გაცნობებთ, რომ გერმანიის პარლამენტი ბერლინის უნივერსიტეტთან ერთად პოლიტიკით დაინტერესებული ახალგაზრდებისთვის აცხადებს კონკურსს, საერთაშორისო საპარლამენტო სტიპენდიის (IPS) მოსაპოვებლად. პროგრამის ფარგლებში სტიპენდიანტებს საშუალება ექნებათ გაეცნონ პოლიტიკური გადაწყვეტილებების მიღების პროცესებს.
ისინი 15 კვირის განმავლობაში იმუშავებენ გერმანიის პარლამენტის ერთ-ერთი დეპუტატის ოფისში. სტიპენდია უკვე მიიღო 2200-მა სტუდენტმა, აქედან 63 საქართველოდან გახლდათ.
გერმანიის პარლამენტი ფარავს სამგზავრო, საცხოვრებელ და სადაზღვევო ხარჯებს. გარდა ამისა, გასცემს ყოველთვიურ სტიპენდიას.
კონკურსში მონაწილეობის წინაპირობებია:
- საქართველოს მოქალაქეობა
- დასრულებული საუნივერსიტეტო განათლება
- გერმანული ენის ძალიან კარგი ცოდნა
- პოლიტიკური და საზოგადოებრივი ურთიერთკავშირებისა და გერმანიის ისტორიისადმი გამოკვეთილი ინტერესი
- საზოგადოებრივი და პოლიტიკური აქტიურობა
- ასაკობრივი ზღვარი: 30 წლამდე ასაკი პროგრამის დაწყების მომენტისთვის
განაცხადების შეტანის ბოლო ვადაა 2017 წლის 30 ივნისი.
დაწვრილებითი ინფორმაცია პროგრამისა და საგანაცხადო დოკუმენტაციის შესახებ იხილეთ შემდეგ მისამართებზე:
გისურვებთ წარმატებებს!