აშშ-ს საელჩოს წარმომადგენლების ვიზიტი და პროფესორი ჯეისონ სკორზას სამუშაო შეხვედრები

31 ოქტომბერი 2018

30 ოქტომბერს, ფულბრაიტის პროგრამის ფარგლებში, კავკასიის უნივერსიტეტს ამერიკის საელჩოს წარმომადგენლები, განათლების პროგრამების კოორდინატორი, თეა კუჭუხიძე და კულტურის ატაშე, ჯულიუს ცაი ესტუმრნენ.

 

ვიზიტის ფარგლებში, შეხვედრა გაიმართა კავკასიის უნივერსიტეტის პრეზიდენტთან და Fairleigh Dickinson-ის უნივერსიტეტის ვიცერექტორთან, პროფესორ ჯეისონ სკორზასთან, რომლის მიზანი პროფესორი სკორზას ორკვირიანი ვიზიტის შეფასება, გაწეული საქმიანობის ანალიზი და აშშ-ს საელჩოსთან სამომავლო თანამშრომლობის პერსპექტივების განხილვა იყო. აღსანიშნავია, რომ 29 ოქტომბერს, პროფესორმა სკორზამ CU-ს ადმინისტრაციული პერსონალისთვის გამართა დასკვნითი პრეზენტაცია, რომელიც მოიცავდა ისეთ საკითხებს, როგორიცაა კურიკულუმების ინტერნაციონალიზაცია, გლობალური განათლების სტრუქტურა და მისი შედეგები.

 

შეგახსენებთ, რომ პროფესორი სკორზა, ფულბრაიტის პროგრამის ფარგლებში, 2 კვირის განმავლობაში შეხვედრებს მართავდა, როგორც სკოლის დეკანებთან, ისე ადმინისტრაციულ პერსონალთან. სამუშაო შეხვედრების მიზანი ინტერნაციონალიზაციის მიმართულებით უნივერსიტეტის საჭიროებების იდენტიფიცირება და რეკომენდაციების დაწერაა, რომლებიც საფუძვლად დაედება სტარტეგიული დოკუმენტის შემუშავებას.