იდეა, შეგვექმნა ჩვენი თამაში რამდენიმე თვს წინ გაგვიჩნდა. მას შემდეგ რაც გადავლახეთ ყველა ის პრობლემა რომელსაც დამწყები გეიმ დეველოპერები აწყდებიან, ამბიციურად შეგვიძლია ვთქვათ, რომ დახვეწილ, ხარისხიან და საინტერესო თამაშს ვაკეთებთ რაც ოდესმე შექმნილა საქართველოში. თამაშის გამოშვების სიმბოლური თარიღი 19 იანვარია. ამჟამად მიმდინარეობს გეიმფლეი მექანიკის დახვეწა და გარემოს გაუმჯობესება. ჩვენს გუნდს განსაკუთრებულს ენთუზიაზმი და საკუთარი საქმის სიყვარული ხდის.

ამჟამად გუნდში ხუთი მთავარი დეველოპერია:

• გიორგი გედიანიძე - მთავარი დეველოპერი, შეიდერ არტისტი
• ნიკა ყიფშიძე - მთავარი დეველოპერი, 3D არტისტი
• კოტე ჟორჟოლიანი- ძრავის სპეციალისტი
• ილია მამულაშვილი - ლეველ დიზაინერი, გარემოს არტისტი
• ალექსანდრე ლომაძე-გაბიანი - პროგრამისტი

მომავალში ვაპირებთ მსოფლიოს შევთავაზოთ ქართული ხარისხიანი პროდუქტი, რომელიც პირველ რიგში, ხელს შეუწყობს ჩვენს ქვეყანაში ამ დარგის განვითარებას. ჩვენი ერთ-ერთი მიზანია საქართველოში რაც შეიძლება მეტი ახალგაზრდა დავაინტერესოთ გეიმ დეველოპმენტით, რადგან გეიმინგი ერთერთი ყველაზე შემოსავლიანი ინდუსტრიაა მსოფლიოში.

ჩვენმა სტარტაპმა შექმნა მოწყობილობა, რომელიც ანადგურებს აზიურ ფაროსანას, ყველანაირი საწამლავებისა და ჯანმრთელობისთვის საშიში ნივთიერებების გამოყენების გარეშე. ერთი დანადგარის დაფარვის ზონა 500 მეტრის რადიუსია, მაგრამ ვმუშაობთ მისი ეფექტურობის გაუმჯობესებაზე.

ამ ეტაპზე გვაქვს ორი ტიპის, შენობაში და ღია სივრცეში გამოსაყენებელი მოწყობილობები.

მოწყობილობის გასულ სეზონზე შევამოწმეთ და ძალიან კარგი შედეგი მივიღეთ. გვსურს მომავალი სეზონისთვის მომხმარებელს შევთავაზოთ დასრულებული და მარტივად გამოყენებადი, კომპაქტური პროდუქტი.

ჩვენ ვართ ვებსტუდია, რომელიც არცთუ  დიდი ხანია, რაც ქართულ ბაზარზე გამოჩნდა, მაგრამ ორიენტირრებულია მაღალი დონის პროდუქციის შექმნაზე.

ჩვენი სერვისებია:

• ვებ საიტის დამზადება
• Facebook და Google რეკლამა
• ლოგოს დამზადება
• SEO ოპტიმიზაცია
• მობილური აპლიკაციის დამზადება (app manager)
• თამაშის დამზადება (Game Development)

 
ჩვენ  ვეხმარებით კომპანიებს იდეების განხორციელებაში და ვაძლევთ შესაძლებლობას, უკეთესად წარმართონ საკუთარი ბიზნესი.

ჯგუფი დაკომპლექტებულია კვალიფიციური და შრომისმოყვარე წევრებისგან. 

მომხმარებელთან ურთიერთობისას ვითვალისწინებთ თითოეულ დეტალს, ვაძლევთ რჩევებს,  დროის მცირე მონაკვეთში შეგვიძლია შევქმნათ ხარისხიანი და სანდო პროდუქტი.

ვებგვერდი: www.webmall.ge

ჩვენი სტარტაპი შეიქმნა იმ მიზნით, რომ დავეხმაროთ პენიტენციალურ დაწესებულებებში მყოფ პირებს დასაქმებაში, როგორც დაწესებულებაში ყოფნის პერიოდში, ასევე დაწესებულების დატოვების შემდგომ.

ჩვენი საწარმოს მიზანია, სასჯელაღსრულების დაწესებულებაში არსებული ადამიანური რესურსი მიზნობრივად გამოვიყენოთ და მათთვის პროფესიული განათლების მიღების შედეგად შევქმნათ დამატებითი სამუშაო ადგილები. ეს ყველაფერი ხელს შეუწყობს პატიმართა სოციალიზაციას და მათ პენიტენციალურ დაწესებულებაში ყოფნის პერიოდს ნაყოფიერს გახდის.

ჩვენი საწარმოს მიერ პატიმრები მიიღებენ პროფესიულ განათლებას და შეისწავლიან კომპიუტერულ მხატვრობას, 3D მოდელირებას და გრაფიკას, რომელიც საკმაოდ მაღალანაზღაურებადი პროფესიებია დღესდღეობით. პატიმართა ამ კუთხით დასაქმება მნიშვნელოვანი ნაბიჯი იქნება არა მარტო საპატიმრო დაწესებულებისთვის, არამედ ქვეყნის სოციალური მდგომარეობის გამოსწორებისათვის. პენიტენციალურ დაწესებულებაში არსებული ადამიანური და გონებრივი რესურსი ნაყოფიერადაა გამოყენებული მსოფლიოს სხვადასხვა განვითარებულ ქვეყანაში, რაც თავისთავად ნიშნავს ამ სფეროში დაგროვილ დადებით გამოცდილებას.

ამ ეტაპზე, გუნდი მაქსიმალურად ცდილობს ინვესტიციების მოზიდვას, რისთვისაც მონაწილეობას იღებს სხვადასხვა საერთაშორისო თუ ადგილობრივ საგრანტო კონკურსებში. სტარტაპმა მონაწილეობა მიიღო უზინგ იქსჩეინჯის პროგრამაში freelancer-ობის და დასაქმების თემაზე, ესპანეთსა და ლიტვაში, რაც კიდევ უფრო დაგვეხმარება სტარტაპის განვითარებაში. გუნდი მონაწილეობას იღებს საგრანტო კონკურსშიც, რომელშიც გადავედით მე-2 ეტაპზე, სადაც გვაქვს შესაძლებლობა მივიღოთ 40 000 ლარიანი დაფინანსება. ამ ყველაფერთან ერთად აქტიურად ვთანამშრომლობთ სხვადასხვა სამინისტროსთან და მენტორებთან, რათა დაგვეხმარონ პროექტის დროულად დანერგვაში პენიტენციალურ დაწესებულებაში.

Cookit არის სტარტაპი, რომელიც სთავაზობს მომხმარებლებს საქართველოში, ეკოლოგიურად სუფთა, ახალი ინგრედიენტებით შედგენილი, პროფესიონალი შეფ-მზარეულის მიერ დაკომპლექტებულ სასადილე ყუთებსა და თანდართულ რეცეპტს (Meal Kit Service). ჩვენი პროდუქტის ყიდვით, მომხმარებელი იღებს ყველა საჭირო ინგრედიენტს, საჭირო რაოდენობით და პროფესიონალი მზარეულის მიერ შედგენილი რეცეპტით.

ჩვენ ვთავაზობთ მომხმარებელს:

• შეფ-მზარეულის მიერ შედგენილი მრავალფეროვანი მენიუ
• შეკვეთის ძალიან მარტივი  მეთოდი
• საშუალება ისწავლო საჭმლის მომზადება ჩვენ მიერ მოწოდებული ინსტრუქციით
• მაღალი ხარისხის, ჯანსაღი პროდუქტი
• მაღალი ხარისხის, სწრაფი სერვისი

• ცხოვრება ძალიან მოკლეა რიგში დგომისთვის (Life is Too Short to Stay in Line)
• თქვენ ირჩევთ, ჩვენ გაწვდით. არანაირი რიგში დგომა, არანაირი საცობი და ტრანსპორტი
• საჭირო რაოდენობის, გემრიელი საკვები სახლიდან გაუსვლელად.
• მშვენიერი საშუალება ცხოვრების გასამარტივებლად

ჩვენი გუნდი:

სანდრო მაისურაძე - ვებ დეველოპერი

ვალერი ლიპარტელიანი - front-end დეველოპერი

თემური თაკალანძე - Backend დეველოპერი