კავკასიის უნივერსიტეტი, აკადემიური პერსონალისთვის, აცხადებს 2022 წლის გაზაფხულის სემესტრში, ვალადოლიდის უნივერსიტეტში, ესპანეთი (Universidad de Valladolid, Spain), Erasmus + ის გაცვლით პროგრამაში მონაწილეობისათვის განაცხადების მიღებას.

Erasmus + ის გაცვლითი პროგრამა აკადემიური პერსონალის საერთაშორისო მობილობისთვის ითვალისწინებს მგზავრობის ხარჯის დაფარვას და გასცემს სტიპენდიებს. სტიპენდიის ოდენობა განსაზღვრულია Erasmus+ ის სახელმძღვანელოსა და მიმღები ქვეყნის კანონმდებლობის  შესაბამისად.

აღნიშნული გაცვლითი პროგრამა წარმოადგენს  სწავლება/ტრენინგის კომბინირებულ (teaching/training combined mobility) მობილობას. პარტნიორ უნივერსიტეტში აკადემიური პერსონალის ვიზიტი არის ერთ კვირიანი (5 სამუშაო + 2 დღე მგზავრობისთვის) და მოიცავს სავალდებულო 4 სალექციო (teaching) და სამუშაო (training) საათს მიმღებ ფაკულტეტთან.

განაცხადების წარმოდგენა შეუძლიათ:

• სრულ ან არასრულ განაკვეთზე დასაქმებულ აკადემიურ პერსონალს, მოწვეულ პერსონალს, რომელსაც აქვს ინგლისურ ენაზე სალექციო კურსის წაკითხვის გამოცდილება ან;
• კავკასიის უნივერსიტეტის ადმინისტრაციულ თანამდებობაზე მყოფ აკადემიურ პერსონალს, რომელსაც აქვს ინგლისურ ენაზე სალექციო კურსის წაკითხვის გამოცდილება;

2022 წლის გაზაფხულის სემესტრში, ვალადოლიდის უნივერსიტეტში  მობილობის განხორციელება შესაძლებელია შემდეგ აკადემიურ მიმართულებებზე:  Education (Teacher Training), Economics, Journalism, Business Studies (Management), Tourism, Marketing, Law, Informatics and Computer Science, Architecture.

კონკურსში მონაწილეობის მისაღებად, დაინტერესებულმა აკადემიურმა პერსონალმა  შემდეგი დოკუმენტები უნდა წარმოადგინონ ინგლისურ ენაზე:

• საერთაშორისო პასპორტის ასლი; 
• შევსებული სააპლიკაციო ფორმა (იხ.დანართი #1)
• EUROPASS CV
• 1 სამოტივაციო წერილი
• 1 სარეკომენდაციო წერილი ფაკულტეტიდან (დეკანი\საგანმანათლებლო პროგრამის დირექტორი).

თითოეული დოკუმენტი უნდა იყოს შესაბამისად დასათაურებული.

       არ განიხილება განაცხადები, რომლებიც:

• იქნება არასრულყოფილი ან დადგენილი მოთხოვნების შეუსაბამო;
• იქება დაგვიანებით ან ეტაპობრივად წარმოდგენილი.

კანდიდატებს განაცხადების წარმოდგენა შეუძლიათ ელექტრონული ფორმით 2022 წლის 5 მარტის ჩათვლით შემდეგ მისამართზე: ir@cu.edu.ge

შერჩევის პროცედურა: 

• წარმოდგენილ სააპლიკაციო დოკუმენტებს განიხილავს კავკასიის უნივერსიტეტის საკონკურსო კომისია;
• საერთაშორისო ურთიერთობებისა და პროექტების დეპარტამენტის მიერ შერჩეულ კანდიდატებთან კომუნიკაცია და ინფორმაციის მიწოდება ვალადოლიდის უნივერსიტეტის სააპლიკაციო პროცედურების შესახებ;
• შერჩეული კანდიდატების მიერ ვალადოლიდის უნივერსიტეტის სააპლიკაციო ფორმის შევსება და განაცხადის წარდგენა პარტნიორ უნივერსიტეტში 11 მარტის ჩათვლით, 2022;
• პარტნიორი უნივერსიტეტის მიერ წარდგენილი განაცხადის შეფასება;
• აკადემიური პერსონალის საბოლოო შერჩევა მიმღები უნივერსიტეტის მიერ;

დამატებითი ინფორმაციისათვის მიმართეთ კავკასიის უნივერსიტეტის  საერთაშორისო ურთიერთობებისა და პროექტების დეპარტამენტს, მეორე სართული, ოთახი B25.

 გისურვებთ წარმატებას!