გაცნობებთ, რომ ვარშავის ეკონომიკის სკოლა (SGH Warsaw School of Economics) აცხადებს სტუდენტების  მიღებას 2026 წლის “Future Leaders” საზაფხულო სკოლაში მონაწილეობის მისაღებად.

პროგრამა შექმნილია ბაკალავრიატის სტუდენტებისთვის, რომელთაც სურთ ლიდერობის უნარ-ჩვევების განვითარება და ბიზნესის მენეჯმენტის შესწავლა. კურსის მთავარი მახასიათებელია ინტენსიური ბიზნეს-სიმულაცია, სადაც სტუდენტები რეალურ დროში აკვირდებიან საკუთარი სტრატეგიული გადაწყვეტილებების შედეგებს.

კურსი მოიცავს ხუთ მიმართულებას:

• თანამედროვე ლიდერობა;
• ბიზნესის ეთიკა და ESG (გარემოსდაცვითი, სოციალური და მმართველობითი საკითხები) მომავალი ლიდერებისთვის;
• ბიზნესის გლობალური გარემო;
• ინოვაციური საინვესტიციო პროექტები;
• ხელოვნური ინტელექტის (AI) გამოყენება ბიზნესში

კურსში მონაწილე სტუდენტებს შესაძლებლობა აქვთ ისარგებლონ ფინანსური შეღავათით, რომელიც მოიცავს:

• სტიპენდიას (750 PLN )
• ფიქსირებულ თანხას საცხოვრებელი ხარჯებისთვის (3000 PLN)
• მგზავრობის ხარჯების ანაზღაურებას (3000 PLN)

პროექტის დაფინანსების წესების გამო, კურსის მონაწილეები ვალდებულნი არიან წინასწარ დააფინანსონ მგზავრობის ხარჯები. სტიპენდიის ანაზღაურება მოხდება ნაღდი ფულით (PLN) SGH-ში ჩასვლისთანავე.

პროგრამაში მონაწილეობის მისაღებად, დაინტერესებულმა პირებმა უნდა:

• შეავსონ სააპლიკაციო ფორმა;
• დაწერონ ინგლისური ენის 18 წუთიანი ტესტი;
• შეავსონ ლიდერების უნარების ტესტი;
• ჩაწერონ 1.5 წუთიანი  წარდგენის ვიდეო;
• წარადგინონ ნიშნების ფურცელი, მინიმალური კუმულაციური 3.0 GPA (A2 ოთახი);
• წარადგინონ აქტიური სტუდენტის დამადასტურებელი ცნობა (A2 ოთახი)

დოკუმენტების გაგზავნის საბოლოო თარიღი: 28 მარტი, 2026.

პროგრამის შესახებ დამატებითი ინფორმაციის მისაღებად, გთხოვთ ეწვიოთ მოცემულ ბმულს ან დაუკავშირდეთ პროგრამის კოორდინატორს მოცემულ მისამართზე: abieleck@sgh.waw.pl

გისურვებთ წარმატებას!