გაცნობებთ, რომ ლატვიის განათლების განვითარების სახელმწიფო სააგენტო 2026-2027 სასწავლო წლისთვის საქართველოს მოქალაქე სტუდენტებისთვის აცხადებს სტიპენდიებს ლატვიის უმაღლესი საგანმანათლებლო დაწესებულებების საბაკალავრო, სამაგისტრო და სადოქტორო პროგრამებისთვის.
დაინტერესებულმა პირებმა ელექტრონულად უნდა წარადგინონ შემდეგი დოკუმენტები:
- სტუდენტის ცნობა (A2 ოთახი);
- CV;
- სამოტივაციო წერილი;
- ბოლო ორი სემესტრის ტრანსკრიპტი (A2 ოთახი);
- 2 სარეკომენდაციო წერილი;
- სასწავლო გეგმის ფორმა;
- უცხო ენის დამადასტურებელი სერტიფიკატის ასლი;
- პირადობის დამადასტურებელი მოწმობის ან პასპორტის ასლი;
- გთხოვთ გაითვალისწინოთ, რომ აპლიკანტი უნდა დარეგისტრირდეს სისტემაში, შეავსოს ონლაინ განაცხადი და შემდგომ ატვირთოს საჭირო დოკუმენტები
ყოველთვიური სტიპენდიის ოდენობა და ხანგრძლივობა:
- ბაკალავრებისთვის - 500 ევრო, ხანგრძლივობა - 10 თვე;
- მაგისტრებისთვის 600 ევრო, ხანგრძლივობა - 10 თვე;
- დოქტორანტებისთვის 700 ევრო, ხანგრძლივობა - 11 თვე
სააპლიკაციო პროცესთან დაკავშირებით დეტალური ინფორმაციის სანახავად, გთხოვთ ეწვიეთ მოცემულ გვერდს.
დამატებითი ინფორმაციის მისაღებად, შეგიძლიათ დაუკავშირდეთ ლატვიის განათლების განვითარების სახელმწიფო სააგენტოს მოცემულ მისამართზე: scholarships@viaa.gov.lv
განაცხადების წარდგენის ბოლო ვადაა 2026 წლის 1 აპრილი.
გისურვებთ წარმატებას!