28 ივლისს, პროექტის ფარგლებში პანელური დისკუსიების ციკლი თემაზე „ქვეყნის განვითარება (ეკონომიკა, დემოკრატია, მშვიდობა) და შრომის ბაზარი - პედაგოგიკის გამოწვევები 2023“ მოსწავლე-ახალგაზრდობის ეროვნულ სასახლეში გაიმართა პანელური დისკუსია თემაზე ,,საკვანძო კომპეტენციები - საზოგადოებრივი მეცნიერებების სწავლების გამოწვევები დაწყებით საფეხურზე.’’ პროექტის შესახებ დამატებითი ინფორმაცია შეგიძლიათ იხილოთ ბმულზე.
პანელურ დისკუსიაში მონაწილეობა მიიღეს სასკოლო განათლების დაწყებითი საფეხურის სისტემაში ჩართული ინტერესთა ჯგუფების წარმომადგენლებმა: პედაგოგიკის სტუდენტებმა, სასკოლო საზოგადოების წარმომადგენელმა პედაგოგებმა, მშობლებმა, დირექტორებმა და ასევე დამსაქმებლებმა. მონაწილეებმა წარმოგვიდგინეს თავიანთი მოსაზრებები, გამოცდილება და ხედვები ზემოაღნიშნულ თემასთან დაკავშირებით.
შეხვედრა წარიმართა ინტერაქციულ რეჟიმში - მონაწილეებს ჰქონდათ კითხვების დასმისა და კომენტარების გაკეთების საშუალება.
პანელური დისკუსიის სპიკერები:
- დამსაქმებელი - თამაზ დაუშვილი, კომპანია „დიო-ს“თანადამფუძნებელი და მმართველი პარტნიორი;
- დირექტორი - შორენა ხუხუა, სსიპ ქ. მარნეულის #2 საჯარო სკოლის დირექტორი;
- პედაგოგი - მიმოზა ღოლიჯაშვილი, სსიპ გორის მუნიციპალიტეტის სოფელ ხიდისთავის საჯარო სკოლისა და მეცნიერებათა (კერძო) სკოლის სამოქალაქო განათლების/მოქალაქეობის მენტორი მასწავლებელი, მასწავლებლის ეროვნული ჯილდოს 2022 წლის საუკეთესო ათეულის წევრი;
- მშობელი - ნათია ლომთაძე, ქ. თბილისის #55 საჯარო სკოლის მშობელი;
- სტუდენტი - ნინო სეთურიძე,ზოგადი განათლების დაწყებითი საფეხურის (I-VI კლასები) მასწავლებლის მომზადების ინტეგრირებული საბაკალავრო-სამაგისტრო პროგრამა, კავკასიის უნივერსიტეტი.
პანელური დისკუსიის მოდერატორები:
- ალუდა გოგლიჩიძე - კავკასიის განათლების სკოლის დეკანი, აფილირებული ასოცირებული პროფესორი;
- პაატა პაპავა - კავკასიის უნივერსიტეტის აფილირებული ასოცირებული პროფესორი;
- სოფიო ბაჩილავა - ეროვნული სასახლის სასწავლო მეთოდური ცენტრის მეთოდური ხელმძღვანელი.
პანელური დისკუსიის ვიდეო ჩანაწერი ხელმისაწვდომი იქნება კავკასიის განათლების სკოლის ვებ-გვერდზე.
