15 ოქტომბერს, კავკასიის უნივერსიტეტის საკონფერენციო დარბაზში, Erasmus+_ის დღეების ფარგლებში, ახალი ჟან მონეს მოდულის (2022-2025) პრეზენტაცია - “ევროკავშირის პრაქტიკაზე დაფუძნებული მონაცემთა დაცვის სეზონური სკოლა - Data Sec School” - გაიმართა.

შეხვედრას წარუძღვნენ: პროფესორი მაქსიმ იავიჩი, კიბერუსაფრთხოების მიმართულების ხელმძღვანელი, კიბერუსაფრთხოების ცენტრის დირექტორი; არჩილ შენგელია, კიბერუსაფრთხოების მთავარი სპეციალისტი კიბერუსაფრთხოების ცენტრში; გიორგი ახალაია, კომპიუტერული მეცნიერების დოქტორანტი, კიბერუსაფრთხოების მთავარი სპეციალისტი კიბერუსაფრთხოების ცენტრში; დოქტორი გიორგი იაშვილი, ასოცირებული პროფესორი, კიბერუსაფრთხოების ცენტრის დირექტორის მოადგილე;

აუდიტორიას სიტყვით მიესალმა კავკასიის უნივერსიტეტის ტექნოლოგიების სკოლის დეკანი შოთა ნიჟარაძე.

ღონისძიებაზე სპიკერებმა წარადგინეს შემდეგი თემატური პრეზენტაციები:

• ჟან მონეს ახალი მოდულის პრეზენტაცია - “ევროკავშირის პრაქტიკაზე დაფუძნებული მონაცემთ დაცვის სეზონური სკოლა - Data Sec School”: პროექტის მიზნები, სპეციფიკაცია და სასწავლო პროგრამის მახასიათებლები;
• GDPR და მონაცემთა დაცვის განათლების მნიშვნელობა საქართველოში ევროკავშირის კვლევების საფუძველზე, სეზონური სკოლის ფარგლებში;
• სეზონური სკოლის სამიზნე აუდიტორია და აქტივობები ყველა კატეგორიისთვის;
• პროექტის მოსალოდნელი გავლენა და შედეგები.

ღონისძიების დასკვნით ნაწილში დამსწრე აუდიტორიას საშუალება ჰქონდა, რომ მათთვის მნიშვნელოვან და საინტერესო კითხვებზე ამომწურავი პასუხები მიეღოთ.