კავკასიის უნივერსიტეტსა და კიბერუსაფრთხოების ბიუროს შორის ურთიერთთანამშრომლობის შეთანხმებას მოეწერა ხელი.
შეთანხმებას ხელი მოაწერეს, კავკასიის უნივერსიტეტის პრეზიდენტმა - კახა შენგელიამ და კიბერუსაფრთხოების ბიუროს დირექტორმა - ლუკა მგელაძემ.
აღნიშნული თანამშრომლობა ითვალისწინებს, კიბერუსაფრთხოების ბიუროსა და კავკასიის უნივერსიტეტის ერთობლივი საგანმანათლებლო პროექტების განხორციელებას, სტუდენტების მიერ მიღებული ცოდნის პრაქტიკულ გამოყენებას და განზოგადებას, მათი კვალიფიკაციის ამაღლებას და პროფესიული უნარ-ჩვევების გამომუშავებას, შესაბამის სფეროში დარგობრივი უნარების გაღრმავებას და ბიუროში სტაჟირების,პრაქტიკის და დასაქმების შესაძლებლობას.
