უზბეკეთის რესპუბლიკის აბრეშუმის გზის ტურიზმის საერთაშორისო უნივერსიტეტი აცხადებს სასტიპენდიო კონკურსს 2022-2023 სასწავლო წლისთვის შემდეგ სამაგისტრო პროგრამებზე:

• ტურიზმის ლოგისტიკა;
• ტურიზმი (აქტივობის სფეროს მიხედვით);
• მუზეუმის მცოდნეობა;
• კულტურული მემკვიდრეობის ძეგლების მენეჯმენტი;
• კრეატიული ინდუსტრია;
• არქეოლოგია.

გრანტი მოიცავს:

1. უზბეკეთში გამგზავრების ხარჯებს (ეკონომ კლასი);
2. $500 ოდენობის ყოველთვიურ სტიპენდიას;
3. $100 ოდენობის ყოველთვიურ სტიპენდიას საცხოვრებელი ხარჯებისთვის;
4. წელიწადში ორჯერ, $100 ოდენობის სტიპენდიას, უზბეკეთის უძველეს ქალაქებში მოგზაურობისთვის.

დაინტერესებულმა კანდიდატებმა, მოცემულ ონლაინ სააპლიკაციო პლატფორმაზე უნდა ატვირთონ შემდეგი დოკუმენტები:

1. პირადობის დამადასტურებელი მოწმობის/პასპორტის ასლი;
2. ბაკალავრის დიპლომის ასლი;
3. 1 ფოტოსურათი 3x4-ზე;
4. CV;
5. ინგლისური ენის ცოდნის დამადასტურებელი საერთაშორისო სერტიფიკატი (IELTS 6.0, TOEFL iBM - მინიმუმ 72);
6. ესსე თემაზე: „საქართველოსა და უზბეკეთს შორის ტურიზმისა და კულტურული მემკვიდრეობის სფეროს განვითარებაში კონტრიბუციის გეგმები“ (1000 სიტყვა).

მნიშვნელოვანი თარიღები:

• ონლაინ სააპლიკაციო პლატფორმაზე დოკუმენტების ატვირთვის ბოლო ვადა - 2022 წლის 10 ივლისი;
• ტესტირება - 20 ივლისიდან - 30 ივლისამდე პერიოდში;
• ინტერვიუ შესაძლო კანდიდატებთან - 1 აგვისტოდან - 20 აგვისტომდე პერიოდში;
• შედეგების გამოცხადება - 10 აგვისტოდან - 20 აგვისტომდე პერიოდში.

გთხოვთ გაითვალისწინოთ, რომ აღნიშნული სასტიპენდიო კონკურსის ფარგლებში, საქართველოსთვის გამოყოფილია 1 სტიპენდია. 

დეტალური ინფორმაციისთვის, გთხოვთ იხილოთ ფაილი.

დამატებითი შეკითხვების შემთხვევაში, შეგიძლიათ დაუკავშირდეთ უზბეკეთის ტურიზმისა და კულტურული მემკვიდრეობის სამინისტროს წარმომადგენელს, ნარგიზა ჰაკიმოვას შემდეგ მისამართზე: info@motach.uz

გისურვებთ წარმატებას!