გაინტერესებს ტურიზმი, ინოვაციები და მდგრადი განვითარება?

მაშინ შემოგვიერთდი კონკურსში „მწვანე ინოვაციები ტურიზმში – ბიზნეს იდეების გამოწვევა“, რომელიც ჩატარდება კავკასიის უნივერსიტეტის მწვანე ტურიზმის ჰაბში, 25–28 ნოემბერს, ყოველდღე 16:00 საათზე,  ENRICHER-HUBS Erasmus+ პროექტის ფარგლებში.

ღონისძიების მიზანია კავკასიის უნივერსიტეტის სტუდენტების ჩართვა რეალური ტურიზმის ბიზნესების გამოწვევების გადაჭრაში ინოვაციური და მდგრადი იდეების მეშვეობით.

მონაწილეებს ელოდებათ 4-დღიანი Design Sprint, სადაც რეალური ტურიზმის ბიზნესების გამოწვევებზე იმუშავებენ და შექმნიან ინოვაციურ, მდგრად გადაწყვეტილებებს. კონკურსის ბოლოს გუნდები წარადგენენ თავიანთ იდეებს ბიზნესისა და აკადემიური სექტორის წარმომადგენელ ჟიურის წინაშე.

მონაწილეობა:

• რეგისტრაცია ინდივიდუალურია;
• მონაწილეობა შეუძლიათ მხოლოდ კავკასიის უნივერსიტეტის სტუდენტებს;
• საერთო რაოდენობა -მინიმუმ 21 სტუდენტი, რომლებიც ორგანიზატორების მიერ დაყოფილნი იქნებიან 3–4 წევრიან ჯგუფებად;
• პრიორიტეტი მიენიჭებათ ტურიზმის, მასპინძლობისა და ბიზნესის მიმართულების სტუდენტებს.

რეგისტრაცია:

გაიარე რეგისტრაცი მითითებულ ბმულზე.

რეგისტრაცია დასრულდება – 15 ნოემბერს, 2025.

გამოწვევა:

გუნდები იმუშავებენ რეალური ტურიზმის ბიზნესის მიერ წამოყენებულ ამოცანაზე, რომელიც გამოცხადდება პირველ დღეს.

კრიტერიუმები:

• ინოვაციურობა და კრეატიულობა – 30%
• მდგრადობა და პრაქტიკულობა – 30%
• პრეზენტაციის ხარისხი – 20%
• კვლევის სიღრმე – 20%

ყველა მონაწილე მიიღებს სერტიფიკატს, ხოლო საუკეთესო გუნდები — სპეციალურ აღიარებებს:

• ყველაზე ინოვაციური გადაწყვეტა;
• ყველაზე მდგრადი კონცეფცია.