Swipesights მომხმარებლებს მოგზაურობის ორგანიზების პროცესის გამარტივებასა და ეფექტიანად წარმართვაში ეხმარება. პლატფორმა აერთიანებს მოგზაურობის დაგეგმვისთვის საჭირო ძირითად ფუნქციებს და ჯგუფის წევრებს საშუალებას აძლევს, ერთ სივრცეში შეათანხმონ ინტერესები, პრეფერენციები და სასურველი აქტივობები.

მომხმარებლებს შეუძლიათ დაათვალიერონ სხვადასხვა ატრაქცია, გაეცნონ მათ შესახებ ინფორმაციას, შეაფასონ ისინი და დააფიქსირონ საკუთარი პრეფერენციები. ამ მონაცემებზე დაყრდნობით, აპლიკაცია ავტომატურად ქმნის ოპტიმიზებულ, დღიურად სტრუქტურირებულ მარშრუტებს, რომლებიც ითვალისწინებს ლოკაციებს შორის მანძილს, გადაადგილებისთვის საჭირო დროსა და ობიექტების სამუშაო საათებს. 

პლატფორმის მთავარი მიზანია ჯგუფური მოგზაურობის დაგეგმვისას დროისა და რესურსების დაზოგვა, ორგანიზაციული სირთულეების შემცირება და ჯგუფის წევრებს შორის კოორდინაციის გაუმჯობესება. შედეგად, მომხმარებლები იღებენ მათ ინტერესებზე მორგებულ, პრაქტიკულ და მოქნილ სამოგზაურო გეგმას, რაც მოგზაურობას უფრო კომფორტულსა და სასიამოვნოს ხდის.

სტარტაპი არის საქართველოს ინოვაციების და ტექნოლოგიების სააგენტოს (GITA), 2080 Ventures-ის, Founder Institute-ისა და Startup Büro-ს მიერ განხორციელებული ინოვაციური სტარტაპების აქსელერაციის პროგრამის 50 000-ლარიანი გრანტის მფლობელი.