იდეათონი არის ერთდღიანი ინტენსიური ღონისძიება, რომელიც მონაწილეებს სთავაზობს შესაძლებლობას, კონკრეტული თემის ან გამოწვევის გარშემო დააგენერირონ იდეები, განავითარონ ისინი და იმუშაონ პრობლემების ინოვაციური გადაწყვეტის შექმნაზე.

პრიორიტეტული თემატიკები: მდგრადი განვითარების მიზნები, ტექნოლოგია, ჯანდაცვა, მეწარმეობა, ფინანსური მონაცემების ანალიზი.

კონკურსში მონაწილეობას იღებს  50-მდე სტუდენტი, რომელთა შერჩევა წინასწარი განცხადებების საფუძველზე ხდება. ასევე, მონაწილეობის მიღება შეუძლიათ ადრეულ საფეხურზე მყოფ სტარტაპ გუნდებს.

პროგრამის დღის წესრიგი:

• მონაწილეების გუნდებად ფორმირება
• დარგის ექსპერტის თემატური ლექცია
• დარგობრივი/ტექნიკური მენტორინგი
• გუნდების ინდივიდუალური მომზადება
• ფინალური პრეზენტაცია
• დაჯილდოება/ნეთვორქინგი

ფინანსური ტექნოლოგიების და ფინანსური განათლების იდეათონი

ფინანსური ტექნოლოგიები და ფინანსური განათლება ინოვაციების და ახალი ბიზნესიდეების განვითარების მნიშვნელოვან შესაძლებლობებს ქმნის. სწორედ ამ მიმართულებით ახალი იდეების წახალისებას ემსახურებოდა კავკასიის უნივერსიტეტის ინოვაციებისა და მეწარმეობის ცენტრის მიერ ორგანიზებული FinTech-ისა და FinEdu-ს იდეათონი, რომელიც 2026 წლის ოქტომბერში გაიმართა და საუნივერსიტეტო კონკურს UNI4VERSE-ის მოსამზადებელ ეტაპს წარმოადგენდა.

იდეათონი ფინანსურ სფეროში არსებული რეალური გამოწვევების იდენტიფიცირებასა და ინოვაციური გადაწყვეტების შექმნას დაეთმო. ღონისძიების ფარგლებში მონაწილეები გაეცნენ FinTech-ისა და საბანკო სექტორის მიმდინარე ტენდენციებს, მომხმარებელთა საჭიროებებსა და ინდუსტრიაში არსებულ შესაძლებლობებს.

იდეათონის ფარგლებში მონაწილეები გუნდურად მუშაობდნენ ფინანსურ სფეროში არსებული პრობლემების გაანალიზებაზე, მომხმარებელთა საჭიროებების განსაზღვრასა და ინოვაციური იდეების განვითარებაზე. პრაქტიკული სამუშაო პროცესი დაეთმო მინიმალური სიცოცხლისუნარიანი პროდუქტის (MVP) კონცეფციისა და პროტოტიპების შემუშავებას, იდეების დახვეწასა და მათი განხორციელებადობის შეფასებას.

ინიციატივა მონაწილეებს შესაძლებლობას აძლევდა, დარგის წარმომადგენლებისა და გამოცდილი მეწარმეებისგან მიეღოთ პროფესიული ცოდნა და უკუკავშირი, განევითარებინათ გუნდური მუშაობისა და პრობლემების გადაჭრის უნარები და ფინანსური ტექნოლოგიების სფეროში არსებული გამოწვევების საპასუხოდ ინოვაციური გადაწყვეტილებების შექმნის პრაქტიკული გამოცდილება მიეღოთ.

აღმოაჩინე მეტი IEC-ის შესახებ

ციფრული ტურიზმის იდეათონი 2026

კავკასიის უნივერსიტეტის ინოვაციების და მეწარმეობის ცენტრი, ტურიზმის სკოლასთან თანამშრომლობით, აერთიანებს ტურიზმისა და ტექნოლოგიების მიმართულებით დაინტერესებულ სტუდენტებს ინოვაციური იდეების შესაქმნელად. მოცემული ინიციატივის ფარგლებში, BOH Concepts-ის მხარდაჭერით, ჩატარდა „ციფრული ტურიზმის იდეათონი 2026 “, რომელიც მონაწილეებს ტურიზმის ინდუსტრიაში არსებული გამოწვევების იდენტიფიცირებისა და ინოვაციური იდეების განვითარების შესაძლებლობას აძლევდა.

ორდღიანი იდეათონი ტურიზმისა და სტუმარმასპინძლობის სექტორში ციფრული ტექნოლოგიების გამოყენებას ეძღვნებოდა. მისი მიზანი ინდუსტრიაში არსებული გამოწვევების გადაჭრისა და ინოვაციური გადაწყვეტების შექმნის ხელშეწყობა იყო. ღონისძიების  მთავარი სტუმარი და სპიკერი იყო Dipra Jha, ვაშინგტონის სახელმწიფო უნივერსიტეტის პროფესორი, რომელმაც მონაწილეებს ტურიზმის ინდუსტრიაში მიმდინარე თანამედროვე ტენდენციები, ტექნოლოგიური ტრანსფორმაციის მნიშვნელობა და საკუთარი პროფესიული გამოცდილება გაუზიარა.

იდეათონის ფარგლებში მონაწილეები გუნდურად მუშაობდნენ ტურიზმის ინდუსტრიაში არსებულ რეალურ გამოწვევებზე. ხელოვნური ინტელექტისა და ციფრული ტექნოლოგიების გამოყენებით განავითარეს პრაქტიკული გადაწყვეტები და ინოვაციური იდეები. დარგის ექსპერტებთან და გამოცდილ მენტორებთან თანამშრომლობა მათ იდეების დახვეწასა და ტექნოლოგიური გადაწყვეტილებების განვითარებაში დაეხმარა.

იდეათონის ფარგლებში მონაწილეებისთვის გათვალისწინებული იყო 3,600-ლარიანი ფულადი საპრიზო ფონდი, რომელიც ინოვაციური იდეების განვითარებისა და მონაწილეთა მოტივაციის ხელშეწყობას ემსახურებოდა.

აღმოაჩინე მეტი IEC-ის შესახებ

CU Founder Sprint: From Discovery to Ideathon 

კავკასიის უნივერსიტეტის ინოვაციებისა და მეწარმეობის ცენტრის და გლობალურ ვენჩურულ აქსელერატორ 2080 Ventures-თან თანამშრომლობის ფარგლებში ჩატარდა Campus Founder Discovery & Ideathon Sprint, რომელმაც სტუდენტებს ტურიზმის ინდუსტრიის გაცნობის, ინოვაციური იდეების განვითარებისა და პრაქტიკული გამოცდილების მიღების შესაძლებლობა მისცა.

პროგრამის მიზანი სტუდენტებისთვის სტარტაპის შექმნის საწყის ეტაპებზე საჭირო ცოდნისა და პრაქტიკული გამოცდილების გაზიარება იყო. იდეათონის ფარგლებში მონაწილეები ონლაინ სესიებისა და იდეათონის მეშვეობით მუშაობდნენ პრობლემების იდენტიფიცირებაზე, იდეების ვალიდაციაზე, მინიმალურად სიცოცხლისუნარიანი პროდუქტის (MVP) განვითარებასა და გუნდურ მუშაობაზე.

პროგრამამ მონაწილეებს ასევე მისცა შესაძლებლობა, მიეღოთ ადგილობრივი და საერთაშორისო მენტორების მხარდაჭერა, გაცნობოდნენ გლობალურ სტარტაპეკოსისტემას და განევითარებინათ საკუთარი სამეწარმეო იდეები.

იდეათონის დასასრულს გამარჯვებულ გუნდს 2080 Ventures-ისგან ფულადი პრიზი გადაეცა, რაც მონაწილეთა ინიციატივებისა და სამეწარმეო იდეების განვითარების ხელშეწყობას ემსახურებოდა.

აღმოაჩინე მეტი IEC-ის შესახებ

ბიზნეს მოდელის კონკურსი მონაწილეებს სთავაზობს შექმნან, განავითარონ და გატესტონ თავიანთი ბიზნეს მოდელები, რომელიც ფოკუსირებულია ინოვაციაზე, მასშტაბურობასა და მდგრადობაზე.

ღონისძიების განმავლობაში, მონაწილეებს საშუალება ექნებათ კონცენტრირდნენ ისეთ მნიშვნელოვან საკითხებზე, როგორებიცაა: მომხმარებლის კვლევა, სეგმენტაცია და ბიზნეს იდეის ვალიდაცია.

ვის შეუძლია მონაწილეობის მიღება:

• სტუდენტებს
• დამწყებ ანტრეპრენერებს, რომლებსაც აქვთ სტარტაპ იდეა
• განვითარების ადრეულ ეტაპზე მყოფ სტარტაპებს, რომლებსაც სურთ დახვეწონ საკუთარი ბიზნეს მოდელი

დღის წესრიგი:

• იდეის განვითარება: გენერაცია, ვალიდაცია, დახვეწა;
• მომხმარებლის კვლევა : ბაზრის კვლევის საფუძველზე მომხმარებელთა საჭიროებების იდენტიფიცირება;
• მენტორინგი: ბიზნეს მოდელის შემუშავება/განვითარება;
• Pitching-ისთვის საჭირო უნარების განვითარება: ფიჩინგის პრაქტიკა (საინვესტიციო პრეზენტაციის მომზადება);
• დასკვნითი პრეზენტაციები: გუნდები წარადგენენ თავიანთ ბიზნეს მოდელებს ჟიურის წინაშე;
• დაჯილდოვება და ნეთვორქინგი.

მდგრადი განვითარების მიზნების (SDG) ინოვაციის აქსელერაციის პროგრამა ახალგაზრდა პროფესიონალებისთვის

2023 წელს SDG ინოვაციის აქსელერაციის პროგრამა პირველად ჩატარდა საქართველოში. გაეროს გლობალური შეთანხმების საქართველოს ქსელის ექსკლუზიური პარტნიორი კავკასიის უნივერსიტეტის ინოვაციების და მეწარმეობის ცენტრია.

მდგრადი განვითარების მიზნების ინოვაციის აქსელერაციის პროგრამა ახალგაზრდა პროფესიონალებისთვის გაეროს გლობალური შეთანხმების წევრ კომპანიებში დასაქმებული ახალგაზრდა პროფესიონალებისთვისაა შემუშავებული. პროგრამის მიზანია ახალგაზრდების ჩართულობის გაზრდა კომპანიაში მდგრადი ინოვაციების მართვისა და საბაზრო თუ საზოგადოებრივი ღირებულების მქონე ხელშესახები ინიციატივების დაგეგმვისა და განხორციელების პროცესში. აქსელერაციის პროგრამა გაეროს გლობალური შეთანხმების და შვედეთის საელჩოს მხარდაჭერით ხორციელდება.

SDG აქსელერაციის პროგრამა ახალგაზრდა პროფესიონალებისთვის. მეორე ნაკადის დასკვნითი ღონისძიება.

ინოვაციების და მეწარმეობის ცენტრის ვიზიტები საქართველოს ტექნოპარკებში

კავკასიის უნივერსიტეტის მესამე მისიის პროექტის ფარგლებში, ინოვაციების და მეწარმეობის ცენტრი, საქართველოს ინოვაციების და ტექნოლოგიების სააგენტოსთან თანამშრომლობით ატარებს ვორკშოპებს და აქტივობებს ახალგაზრდების განვითარების და სამეწარმეო ეკოსისტემის გაძლიერების მიზნით საქართველოს ყველა რეგიონულ ტექნოპარკში.

აქტივობების მიზანია მონაწილეებს მიეცეთ საშუალება გაეცნონ სამეწარმეო თემატიკასთან დაკავშირებულ ძირითად ასპექტებს, და, ამავდროულად, განემტკიცებინათ თეორიული ცოდნა პრაქტიკულ დავალებებში აქტიური მონაწილეობით.

ვიზიტი ბათუმის ტექნოპარკში - 2024;

ვიზიტი ბათუმის ტექნოპარკში - 2025;

ვიზიტი ზუგდიდის ტექნოპარკში - 2025.

ბუთქემფი სკოლის მოსწავლეებისთვის

სამეწარმეო ბუთქემფი სკოლის მოსწავლეებისთვის წარმოადგენს დინამიურ, პრაქტიკულ პროგრამას, რომელიც მიზნად ისახავს სკოლის მოსწავლეებში სამეწარმეო  ცოდნისა და უნარ-ჩვევების გაღრმავებას. პროგრამა უზრუნველყოფს მონაწილეებისთვის ისეთი ფუნდამეტური საკითხების გაცნობას, როგორებიცაა: ინოვაცია, კრეატიულობა, სტარტაპ იდეების გენერაცია, ვალიდაცია, დახვეწა და პრობლემაზე ორიენტირებული პროდუქტების შექმნა. 

ბუთქემფის მიზანია, სკოლის მოსწავლეებში სამეწარმეო ცნობიერების ამაღლება, ინოვაციური აზროვნების წახალისება და სტარტაპის შექმნის ძირითადი კომპონენტების გაცნობა.

პროგრამა მოიცავს 3-5 დღიან ინტენსიურ მენტორინგ სესიებს, ასევე პრაქტიკულ ვორკშოპებს.

პროგრამაში მონაწილეობას იღებს IX - XII კლასის მოსწავლეები სხვადასხვა სკოლიდან.

ძირითადი ფორმატი:

• ხანგრძლივობა: 3-5 დღე
• გუნდები: დაკომპლექტებული იქნება 3-5 წევრისგან (10-12 გუნდი)
• თემატური ტრენინგები ძირითად სამეწარმეო საკითხებზე : სტარტაპ იდეის გენერაციას და ვალიდაცია, მომხმარებელის კვლევა და მათთან ურთიერთობა, ღირებულების შეთავაზება, ბიზნეს მოდელის ჩამოყალიბება, ბაზრის კვლევა, ბრენდინგი, დაფინანსების მოზიდვა, ფიჩინგი და მისი ტექნიკები.
• მენტორინგი: ინდუსტრიის ექსპერტები გუნდებს, ადგილზე გაუწევენ მენტორინგს კონკრეტულ საკითხებთან დაკავშირებით
• ინტერაქციული ვორკშოპები: თითოეული სესია მოიცავს პრაქტიკულ დავალებებს, რომლებიც ხელს შეუწყობს პროგრამის მიმდინარეობისას მიღებული თეორიული ცოდნის განმტკიცებას.

ბუთქემფი დასრულდება დემო დღით, სადაც ფორმირებული გუნდები წარმოადგენენ საკუთარი იდეის პრეზენტაციებს.

სამეწარმეო ბუთქემფი რუსთავის მედიათეკაში.