კრაკოვის ეკონომიკის უნივერსიტეტი (Cracow University of Economics, პოლონეთი) და ESAN-ის უნივერსიტეტი (Universidad ESAN, პერუ) აცხადებს მიღებას საერთაშორისო ვირტუალურ გაცვლით პროგრამაში „სოციალური მეწარმეობა" მონაწილეობისათვის.
პროგრამის ხანგრძლივობა: 5 კვირა.
პროგრამის თარიღები: 20 ოქტომბერი - 20 ნოემბერი, 2026.
პროგრამის მიზანი:
პროგრამის ფარგლებში სტუდენტები გაიღრმავებენ ცოდნას სოციალური მეწარმეობის საკითხებში და შეისწავლიან:
- სოციალური გამოწვევებისა და ეთიკური მეწარმეობის იდენტიფიცირებას;
- მდგრადი განვითარების მიზნების (SDGs) მნიშვნელობას;
- სოციალური მეწარმეობის შედარებას პერუსა და პოლონეთის მაგალითზე
- სამეწარმეო შესაძლებლობების იდენტიფიცირებასა და განსაზღვრას;
- სამეწარმეო იდეის წარდგენას სხვადასხვა აუდიტორიის წინაშე.
რა უნარები განუვითარდებათ მონაწილეებს:
- ინგლისური ენის საკომუნიკაციო უნარები
- ციფრული წიგნიერება
- გუნდური მუშაობის უნარები
- თავდაჯერებულობა ინტერკულტურულ გარემოში კომუნიკაციისას
პროგრამის სტრუქტურა:
- 1-ლი ეტაპი (20 ოქტომბერი): გახსნის შეხვედრა და მონაწილეთა გაცნობა (სინქრონული სესია);
- მე-2 ეტაპი (26-30 ოქტომბერი): გუნდური აქტივობები და მდგრადი განვითარების მიზნების (SDG) განხილვა;
- მე-3 ეტაპი (2-6 ნოემბერი): სოციალური მეწარმეობის შედარებითი ანალიზი და საკუთარი „SDG სტარტაპის" იდეის შემუშავება;
- მე-4 ეტაპი (9-13 ნოემბერი): საკუთარი იდეის პრეზენტაცია (ვიდეო ფორმატში);
- მე-5 ეტაპი (16-20 ნოემბერი): პროგრამის დახურვა და სტუდენტების პრეზენტაციები (სინქრონული სესია).
სტუდენტის ყოველკვირეული დატვირთვა შეადგენს დაახლოებით 2-3 საათს. გუნდის განრიგს მონაწილეები თავად ათანხმებენ ერთმანეთში.
შეფასების კრიტერიუმები: გუნდური დავალებების წარმატებით და დროულად შესრულება, Padlet-ზე აქტივობა.
დაინტერესებული სტუდენტები უნდა დაუკავშირდნენ პროფესორებს მოცემულ ელ-ფოსტაზე: molivos@esan.edu.pe და marchewm@uek.krakow.pl
რეგისტრაციის ბოლო ვადა: 16 ოქტომბერი.
გისურვებთ წარმატებას!