Success Story

თენგიზ თაქთაქიშვილი

 

Tuscia/Italy

 

Erasmus+ ის აკადემიური პერსონალის მობილობის ფარგლებში ვესტუმრე ტუშას უნივერსიტეტს, სადაც წავიკითხე ლექცია თემაზე „Development Macroeconomics”. უნივერსიტეტი მდებარეობს უძველეს და არაჩვეულებრივ იტალიურ ქალაქ ვიტერბოში. განსაკუთრებით სასიხარულო იყო იმ ქართველი სტუდენტების დასწრება ჩემ ლექციაზე, რომლებიც ტუშას უნივერსიტეტში სწავლობენ. მათვე დამათვალიერებინეს ქალაქი და მისი ღირსშესანიშნაობები. ვფიქრობ, Erasmus+ ის პროგრამები უდიდეს როლს ასრულებს ახალგაზრდების პროფესიულ და პიროვნულ განვითარებაში, აზიარებს მათ ევროპულ ფასეულობებს და უქმნის უსაზღვრო შესაძლებლობებს სამომავლოდ. მოხარული ვარ, რომ კიდევ ერთხელ მომეცა საშუალება ვწვეოდი ულამაზეს იტალიას და მომენახულებინა დაუვიწყარი რომი. ვისურვებდი, Erasmus-ის პროგრამების გაფართოებასა და მასში კდიევ უფრო მეტი სტუდენტის ჩართულობას საქართველოდან.


მარია ღლონტი

 

FH JOANNEU, University of Applied Sciences/ Austria

 

ერაზმუს+ ის აკადემიური პერსონალის მობილობის ფარგლებში, სამუშაო ვიზიტით ვიმყოფებოდი ავსტრიაში, ქალაქ გრაცში, იოანიუმის გამოყენებით მეცნიერებათა უნივერსიტეტში (FH JOANNEUM, University of Applied Sciences, Austria). მობილობის ფარგლებში ჩავატარე ლექციები მარკეტინგისა და საერთაშორისო მენეჯმენტის ფაკულტეტების სტუდენტებთან. ასევე გაიმართა შეხვედრები მენეჯმენტის ფაკულტეტის დეკანთან, საერთაშორისო პროექტების მენეჯერთან და დაისახა სამომავლო ურთიერთთანამშრომლობის გეგმა.


დავით პეტრიაშვილი

 

Tuscia/Italy

ერაზმუს + ის პროგრამის ფარგლებში შესაძლებლობა მქონდა კავკასიის უნივერსიტეტის ეკონომიკის სკოლის სახელით ტუშას უნივერსიტეტის სტუდენტებისთვის ჩამეტარებინა ლექციები მაკროეკონომიკური პოლიტიკის განხორციელების მექანიზმების შესახებ და მათთვის ამეხსნა, თუ რა გავლენა შეიძლება იქონიოს ამა თუ იმ ეკონომიკურმა პოლიტიკამ მათ ყოველდღიურ ცხოვრებაზე. თემამ დიდი ინტერესი გამოიწვია, რაც აისახა სტუდენტების მაღალ ჩართულობასა და ლექციების შემდგომ გამართულ დისკუსიებში. საინტერესო იყო ტუშას უნივერსიტეტში გაცვლითი პროგრამით მყოფ ქართველ სტუდენტებთან შეხვედრა, მათგან ქართულ და იტალიურ სწავლების მეთოდების შესახებ შედარებების მოსმენა. განსხვავებულ გარემოში ლექციების ჩატარება ნამდვილად იყო სასარგებლო გამოცდილება, რაც ჩემს აკადემიურ განვითარებას შეუწყობს ხელს. გარდა ამისა, გამოიკვეთა ტუშას უნივერსიტეტსა და კავკასიის უნივერსიტეტებს შორის სამომავლო თანამშრომლობის შესაძლებლობები, რაც კიდევ უფრო გააღრმავებს ორ უნივერსიტეტს შორის დაწყებულ თანამშრომლობას.


რუსუდან ჩაჩანიძე

 

Krakow University of Economics

 

„ბედნიერი ვარ რომ კავკასიის უნივერსიტეტმა მომცა შესაძლებლობა მესარგებლა ერაზმუს+ ის აკადემიური პერსონალის გაცვლითი პროგრამით. პროგრამის ფარგლებში გავემგზავრე კრაკოვის ეკონომიკის უნივერსიტეტში, სადაც ვიმუშავე მარკეტინგისა და ბიზნეს ინოვაციების პროგრამების სტუდენტებთან. ძალიან სასიამოვნო და საინტერესო იყო კრაკოვის ეკონომიკის უნივერსიტეტის სტუდენტებთან მუშაობა. შეთავაზებული სალექციო კურსის მიმართ დიდი დაინტერესება დაფიქსირდა, რამაც ასევე განაპირობა ის, რომ პროგრამის დასრულების შემდეგაც ვაგრძელებთ ურთიერთობას, მასალებისა და მოსაზრებების გაცვლას. გარდა სასწავლო კურსისა, კრაკოვის ეკონომიკის უნივერსიტეტის პროფესორი დაინტერესდა კავკასიის უნივერსიტეტთან თანამშრომლობით კვლევითი მიმართულებით. ვიმედოვნებ, რომ გავაგრძელებთ ამ თემაზე თანამშრომლობას. ერაზმუს+ ის პროგრამა ძალიან სასარგებლო და სასიამოვნო გამოცდილება იყო ჩემთვის.“


დავით წიკლაური


Tuscia/Italy

float: left; margin: 20px;ერაზმუს+ ის აკადემიური პერსონალის მობილობის ფარგლებში, ტუშას უნივერსიტეტის სტუდენტებს სალექციო კურსი შევთავაზე Total Quality Management- ის შესახებ და ასევე პარტნიორი უნივერსიტეტის თხოვნით, იტალიელ სტუდენტებს საქართველოსა და კავკასიის უნივერსიტეტის შესახებ მოკლე პრეზენტაცია წარვუდგინე, რაც იმედი მაქვს საინტერესო და ინფორმაციული იყო მსმენელი აუდიტორიისათვის. ვიზიტის ფარგლებში ასევე შევხვდი ტუშას უნივერსიტეტის საერთაშორისო ურთიერთობების დეპარტამენტის წარმომადგენლებს, რომლებმაც კამპუსში მიმასპინძლეს.


მაქსიმ იავიჩი

 

Lille Catholic University, France

 

Erasmus+ ის აკადემიური პერსონალის მობილობის ფარგლებში, ლილის კათოლიკურ უნივერსიტეტს ვეწვიე, სადაც ჩავატარელექციების მოდული შემდეგ თემებზე: რიცხვების წარმოდგენა, შესავალი კიბერუსაფრთხოებაში, ქსელური უსაფრთხოება,ღია გასაღების კრიპტოგრაფია და შესავალი პოსტ-კვანტურ კრიპტოგრაფიაში.

 

ლილის კათოლიკური უნივერსიტეტი მართლაც ძალიან ძველი, თუმცა ინფრასტრუქტურულად განვითარებული სასწავლო დაწესებულებაა და ასევე გააჩნია კიბერ უსაფრთხოების ლაბორატორიაც. მობილობის ფარგლებში, ლექციების გარდა ასევე დაიგეგმა სამუშაო შეხვედრები ადგილობრივ ლექტორებსა და მკვლევარებთან, ვისაუბრეთ სამომავლო პროექტებსა და უნივერსიტეტებს შორის არსებულ სწავლების მეთოდებზე. აღსანიშნავია ისიც, რომ უკვე დავიწყეთ უცხოელ კოლეგებთან ერთ-ერთ პროექტზე მუშაობა. მობილობის მსვლელობისას, უნივერსიტეტმა დამატებით გამომიყო სამუშაო ოთახი და მომცა წვდომა ყველა რესურსთან, რაც ფაკულტეტს გააჩნდა კიბერუსაფრთხოების სფეროში.


გიორგი დათუკიშვილი

 

Tuscia/Italy

 

„მარადიული ქვეყანა, ადგილი სადაც იმპერატორის სიზმრებს მიქელანჯელო სიცოცხლეს სძენდა“ - წარმოუდგენელია არ მოიხიბლო იტალიით რომელიც იმპერიის, დემოკრატიის და საუკუნოვანი განათლების სანიმუშო კერაა. ეს ქვეყანა „გლადიატორებიდან“ „ფერარამდე“ გასაოცარი და დაუვიწყარია. სწორედ განათლება მისი ერთერთი ძლიერი მხარეა. ქალაქი ვიტერბო და მისი ტუშას უნვერსიტეტი, სწორედ ის გარემოა სადაც ნებისმიერი ადამიანი ისურვებდა მოხვედრას, რადგან თანამედროვე მიდგომები და ძველი ანტიკური გარემო საოცარ ტანდემს ჰქმნის.


ლელა აბდუშელიშვილი

 

University of Economics in Katowice/Poland

 

„2017 წლის აპრილის თვეში ვიმყოფებოდი პოლონეთში კატოვიცეს უნივერსიტეტში და იქაურ სტუდენტებს ჩავუტარე ბიზნეს კომუნიკაციის ერთკვირიანი კურსი. პროგრამა იყო საუკეთესოდ მომზადებული და ორგანიზებული. აღნიშნული ღონისძიება ჩატარდა „საერთაშორისო კვირის ფარგლებში", რომელიც ითვალისწინებდა უნივერსიტეტის სტუდენტებისათვის პრაქტიკული კურსის ჩატარებას. ყველანაირი პირობა იყო შექმნილი სწავლისა და სწავლებისათვის და იმისთვის, რომ თანამშრომლობა ნაყოფიერი ყოფილიყო ორივე მხარისთვის".


დავით ასლანიშვილი

 

Tuscia/Italy

 

„ეტრუსკების უძველესი ცივილიზაციის გული - ქალაქი თარქვინია, ქრისტიანობის ერთ-ერთი გასაოცარი ადგილი - ქალაქი ვიტერბო და იტალიის უმშვენიერესი ქალაქი - ფლორენცია.. ყოველივე ამასთან გაცნობა შესაძლებელი გახდა  2017 წლის შემოდგომაზე კავკასიის უნივერსიტეტისა და ტუშას უნივერსიტეტის ერაზმუსის პროგრამის ფარგლებში. პროგრამის ფარგლებში განხორციელდა ლექცია - სემინარის წარდგენა „მონეტარული პოლიტიკისა და ცენტრალური ბანკების როლის თაობაზე“, გაიმართა საკმაოდ აქტიური დისკუსია ევროპის ცენტრალური ბანკის, აშშ-ს ფედერალური სარეზერვო ბანკის, იაპონიის ცენტრალური ბანკის პრობლემებზე და რეგიონალური ცენტრალური ბანკების მოქმედებაზე. გაანალიზებულ იქნა ფინანსური კრიზისის მიზეზები და მისი მიმდინარეობა საბანკო სექტორში.

 

გაზიარებულ იქნა სასწავლო გეგმა და სიახლეები აკადემიური პერსონალთან. განსაკუთრებული მადლობა მინდა გადავუხადო  კავკასიის უნივერსიტეტისა და ტუშას უნივერსიტეტის საერთაშორისო დეპარტამენტებს კარგად ორგანიზებული და დაგეგმილი გრაფიკისთვის, რამაც შესაძლებელი გახადა ამ პროგრამის მაღალი ხარისხი და წარმატება".


ეკა აკობია

 

Tuscia/Italy

 

„კავკასიის უნივერსიტეტსა და იტალიის ტუშას უნივერსიტეტს შორის გაფორმებული ერაზმუს + მობილობის შეთანხმების ფარგლებში 27 ნოემბერი-3 დეკემბრის კვირა დავყავი იტალიაში. ვიზიტის ფარგლებში მქონდა ლექციები ტუშას უნივერსიტეტში, სადაც ჩემი მასპინძელი კოლეგა გახლდათ პოლიტიკის მეცნიერების ფაკულტეტის ლექტორი, დოქტორი სანტე კრუჩიანი.

გაცვლილი ვიზიტის ფარგლებში შესაძლებლობა მომეცა ტუშას უნივერსიტეტის პოლიტიკის მეცნიერების სტუდენტებისთვის ჩამეტარებინა ლექცია საერთაშორისო ურთიერთობების თეორიების: რეალიზმის, ლიბერალიზმისა და კონსტრუქტივიზმის შესახებ. ძალიან სასარგებლო იყო უცხოურ აუდიტორიაში ლექციის წაკითხვა, ქართულ და იტალიური აუდიტორიის შედარება და სხვადასხვა პრაქტიკული თუ აკადემიური გარემოებების გაცნობა. ამასთან, პატივი იყო იტალიელი კოლეგების გაცნობა და მომავალში შემდგომი აკადემიური თანამშრომლობისთვის კავშირების გამყარება".


ლევან ბჟალავა

 

University of Ljubljana/Slovenia

 

 

„Erasmus+პროგრამის ფარგლებში გავემგზავრე ლუბლიანას უნივერსიტეტში (სლოვენიაში) და ლექციები წავიკითხე სოციალური მედია ანალიზსთან დაკავშირებით. გარდა ამისა, ვიზიტის ფარგლებში შევხვდი ლუბლიანას უნივერსიტეტის ეკონომიკის ფაკულტეტის ხელმძღვანელს, გავაცანი ჩემი მიმდინარე კვლევითი თემები და განვიხილეთ თანამშრომლობის შესაძლებლობები. მსგავსი ვიზიტები და შეხვედრები ძალიან მნიშვნელოვანია სხვადასხვა უნივერსიტეტებთან კვლევითი თანამშრომლობის ასაწყობად".


ნინო კალანდაძე

 

Tuscia/Italy

 

ერაზმუს + ის აკადემიური მობილობის პროგრამის ფარგლებში, 2017 წლის ნოემბერში ვეწვიე ტუშას უნივერსიტეტს, იტალია. მობილობის ფარგლებში, მასპინძელი უნივერსიტეტის პოლიტიკური მეცნიერებისა და საერთაშორისო ურთიერთობების ფაკულტეტის  სტუდენტებს წავუკითხე  ლექცია თემაზე „საქართველოს საგარეო პოლიტიკა და საწართველოს ურთიერთობები რუსეთსა და ევროკავშირთან“.


ნანა ვაშაკიძე

 

Technical University of Kosice/ Slovakia

 

ერაზმუს + ის აკადემიური მობილობის პროგრამის ფარგლებში, 2017 წლის ნოემბერში ვეწვიე ტუშას უნივერსიტეტს, იტალია. მობილობის ფარგლებში, მასპინძელი უნივერსიტეტის პოლიტიკური მეცნიერებისა და საერთაშორისო ურთიერთობების ფაკულტეტის  სტუდენტებს წავუკითხე  ლექცია თემაზე „საქართველოს საგარეო პოლიტიკა და საწართველოს ურთიერთობები რუსეთსა და ევროკავშირთან“.


დავით ასლანიშვილი

 

FH HOANNEUM/Austria

 

„2016 წლის შემოდგომაზე ერაზმუსის პროგრამით ვიმყოფებოდი FH JOANNEUM გამოყენებით მეცნიერებათა უნივერსიტეტში, ავსტრია ქალაქი გრაცი. პროგრამის ფარგლებში მოხდა აკადემიურ პერსონალთან ურთიერთობის დამყარება, ლექცია - სემინარების წაძღოლა და არაერთი სამეცნიერო სიახლის გაცვლა/დანერგვა. ამ ვიზიტის ერთ-ერთი შედეგია ახალი სილაბუსის და სასწავლო კურსის მომზადება/განახლება და დანერგვა კავკასიის უნივერსიტეტში, რომელიც თანამედროვე ევროპულ მონეტარულ პოლიტიკას და საბანკო სფეროში მიმდინარე პროცესებს ასახავს. უნივერსიტეტში დანერგილია მეგობრული და კეთილგანწყობილი გარემო, რაც დამატებითი მოტივაციაა როგორც მკვლევარებისთვის, ასევე სტუდენტისთვის მიიღონ და გაიღრმავონ ცოდნა და შეიძინოს პრაქტიკული უნარ ჩვევები".