6 ივნისს, კავკასიის უნივერსიტეტში, გაიმართა განათლების სკოლის რიგით მეოთხე სტუდენტური სამეცნიერო კონფერენცია.

კონფერენციის მიზანია სტუდენტთა კვლევითი პოტენციალის გაზრდა და განათლების სფეროს აქტუალურ საკითხებთან დაკავშირებით სამეცნიერო-კვლევითი საქმიანობის ხელშეწყობა.

მიმდინარე წლის სტუდენტური სამეცნიერო კონფერენციის მთავარი თემა იყო მოსწავლეთა საერთაშორისო შეფასებები: მიღწევები და გამოწვევები.

ჟიურის შემადგენლობაში შედიოდნენ: მარიამ კუტუბიძე - განათლების სკოლის აფილირებული ასისტენტ-პროფესორი, ნიკოლოზ სილაგაძე - განათლების სკოლის აფილირებული ასოცირებული პროფესორი, ალუდა გოგლიჩიძე - განათლების სკოლის დეკანი და ასოცირებული პროფესორი და სალომე ჩიტორელიძე - განათლების სკოლის საგანმანათლებლო პროგრამების ადმინისტრაციული დირექტორი.

 სტუდენტურ კონფერენციაზე წარმოდგენილი იყო შემდეგი მოხსენებები:

1. ანი პაპუაშვილი და თეკლა სონგულია - კრეატიული აზროვნების განვითარების გამოწვევები დაწყებით საფეხურზე: PISA კვლევის ანალიზი.
2. კესო ბერიძე - მოსწავლეთა მოტივაციის გავლენა აკადემიურ მიღწევებზე: არსებული გამოწვევები და გადაჭრის სტრატეგიები (დაწყებითი საფეხურის მაგალითზე).

სტუდენტური სამეცნიერო კონფერენციის საპრიზო ადგილები მიენიჭათ შემდეგ მომხსენებლებს:

• I ადგილი - კესო ბერიძე
• II ადგილი - ანი პაპუაშვილი და თეკლა სონგულია.