კავკასიის უნივერსიტეტის ინოვაციების და მეწარმეობის ცენტრის ორგანიზებით, საქართველოში მოქმედი ყველა უმაღლესი საგანმანათლებლო დაწესებულების სტუდენტებისთვის, ტარდება ტრენინგების სერია, სახელწოდებით „სტარტაპის გზა: იდეიდან ინვესტიციამდე “. ტრენინგები მოიცავს ხუთ კომპონენტს, რომელსაც უძღვებიან სტარტაპ ეკოსისტემის წარმომადგენლები და კვალიფიციური ტრენერები.

12 ივლისს ჩატარდა პირველი ტრენინგი - სტარტაპის ძირითადი პრინციპები – ტრადიციულ ბიზნესი VS სტარტაპი, რომელსაც უძღვებოდა ქეთევან ხუნწარია, Axel - ის საინვესტიციო საბჭოს წევრი, ანგელოზი ინვესტორი, ანტრეპრენერი, კავკასიის უნივერსიტეტის კურსდამთავრებული და მოწვეული ლექტორი.

აღნიშნული ტრენინგები მიმდინარეობს კონკურენტული ინოვაციის ფონდის CIF - ის (საქართველო I2Q ინოვაცია, ინკლუზიურობა და ხარისხი კონკურენტული ინოვაციის ფონდი) მიერ დაფინანსებული პროექტის - „სამეწარმეო განათლება, გზა ინოვაციის, თანასწორობისა და ხარისხისკენ“ ფარგლებში, რომლის საერთაშორისო პარტნიორია ჯორჯ ვაშინგტონის უნივერსიტეტის „ინოვაციების და მეწარმეობის ოფისი (GWOIE)“.

ტრენინგების შესახებ დამატებითი ინფორმაციისთვის ეწვიეთ ბმულს: https://shorturl.at/dDKRE