21 აპრილს, 16:00 საათზე, კავკასიის უნივერსიტეტის C9 აუდიტორიაში, საჯარო მმართველობით, დიპლომატიითა და საერთაშორისო ურთიერთობებით დაინტერესებული აბიტურიენტებისთვის გაიმართება უნიკალური ინტერაქტიული ღონისძიება – სახელმწიფოს მართვის სიმულაციური თამაში „მართე სახელმწიფო“.

სპეციალური კომპიუტერული სიმულაციისა და აკადემიური პერსონალის მხარდაჭერით, თქვენ პრაქტიკაში გამოცდით:

• რას ნიშნავს სახელმწიფოს მართვა და რა განსაზღვრავს ეფექტურ მმართველობას;
• როგორ ნაწილდება პოლიტიკური კაპიტალი და საბიუჯეტო რესურსები სხვადასხვა პოლიტიკის განხორციელებისას;
• რა გავლენა აქვთ ამომრჩევლებს, ინტერესთა ჯგუფებს, იდეოლოგიებსა და სამოქალაქო ორგანიზაციებს პოლიტიკურ პროცესებზე;
• როგორ უკავშირდება ერთმანეთს პოლიტიკა, ეკონომიკა, უსაფრთხოება და საერთაშორისო ურთიერთობები;
• როგორ შეიძლება ერთ სფეროში მიღებულმა გადაწყვეტილებამ მოულოდნელი შედეგები გამოიწვიოს სხვა სფეროში.

შემოგვიერთდი და სახალისო, მაგრამ რეალისტური სიმულაციის მეშვეობით აღმოაჩინე, როგორ მუშაობს რეალური საჯარო პოლიტიკა და დიპლომატია.

ღონისძიების ხანგრძლივობა: 3 საათი.

ღონისძიებას გაუძღვებიან:

ეკა აკობია – სახელმწიფო მართვის სკოლის დეკანი, საერთაშორისო ურთიერთობების პროფესორი
გიორგი ცხადაია – პოლიტიკური მეცნიერების ასოცირებული პროფესორი
ემირ ეთერია – ეკონომიკის პროფესორი

საუკეთესო მონაწილეებისთვის სპეციალური პრიზები:

სიმულაციის პროცესში გამოვლინდება სამი საუკეთესო მონაწილე (სპიკერი/გადაწყვეტილების მიმღები), რომლებიც მიიღებენ სახელმწიფო მართვის სკოლის საგანმანათლებლო პროგრამების სასწავლო ვაუჩერებს:

I ადგილი – 1500 ლარი
II ადგილი – 1000 ლარი
III ადგილი – 700 ლარი

როგორ მივიღოთ მონაწილეობა?

ღონისძიებაში მონაწილეობის მსურველებმა გთხოვთ გაიაროთ წინასწარი რეგისტრაცია ბმულზე.