2025 წელს ცენტრს მიღებული აქვს კავკასიის უნივერსიტეტის შიდასაუნივერსიტეტო ერთწლიანი საგრანტო პროექტი: „ვორონცოვის კულტურის პოლიტიკა: „ევროპეიზაციის“ რუსული გეგმა საქართველოში“.

პროექტის ხელმძღვანელი: კავკასიის უნივერსიტეტის ასოც. პროფ. ნანა შარიქაძე

პროექტში ჩართული მკვლევარი: კავკასიის უნივერსიტეტის ასოც. პროფ. ეკა კინაძე

პროექტის მოკლე ანოტაცია:

პროექტის მიზანია ქართულენოვანი მონოგრაფიის - ვორონცოვის კულტურის პოლიტიკა: „ევროპეიზაციის“ რუსული გეგმა საქართველოში - გამოცემა.  მონოგრაფია მიეძღვნება რუსი გენერლისა და დიპლომატის მიხეილ ვორონცოვის მმართველობის პერიოდის (1844-1854 წწ) კულტურის იმპერიული პოლიტიკის, კოლონიზაციის სტრატეგიების შესწავლას ფართო ისტორიულ და კულტურულ კონტექსტში. 

კვლევა საშუალებას მოგვცემს კრიტიკულად შევაფასოთ და გავაანალიზოთ, თუ როგორ გამოიყენა ვორონცოვმა კულტურა და განათლება, როგორც „რბილი ძალა“ რუსეთის იმპერიული მიზნების მისაღწევად, და რა გავლენა ჰქონდა ამ პოლიტიკას საქართველოს შემდგომ კულტურულ და სოციალურ-ეკონომიკურ განვითარებაზე.