4-5 ივნისს, გარემოს დაცვის საერთაშორისო დღესთნ დაკავშირებით, კავკასიის უნივერსიტეტისა და კომპანია „ესკო-ესის“ ინიციატივით, ჩატარდა ვორკშოპი თემაზე -„განათლება მდგრადი განვითარებისათვის- არქიტექტურა, საინჟინრო ტექნოლოგიები, მწვანე მშენებლობა“. ფესტივალის სლოგანი იყო - „განათლება მდგრადი განვითარებისთვის“.

ღონისძიება კავკასიის უნივერსიტეტის პრეზიდენტმა, კახა შენგელიამ გახსნა და აუდიტორიას სიტყვით მიმართა. 

ღონისძიების მიზანი იყო საზოგადოების  „მწვანე“ უნარ ჩვევების და ტექნოლოგიების ცნობადობის გაზრდის მიზნით  ახალგაზრდების ცოდნის ამაღლება: კავკასიის უნივერსიტეტის, შავი ზღვის საერთაშორისო უნივერსიტეტის, საქართველოს უნივერსიტეტის, ილიას სახელმწიფო უნივერსიტეტის სტუდენტთა და პროფესორ-მასწავლებლების ჩართულობით.

ღონისძიების ფარგლებში, 4 ივნისს, საჯარო ლექციები, სემინარები /ვორკშოპები, გარემოს გამწვანებასთან დაკავშირებული თავისუფალი აქტივობები მოეწყო, 5 ივნისს კი, ღონისძიება ბაზალეთზე, მწვანე ინჟინერიის ცენტრში გაგრძელდა. ფესტივალის ფარგლებში სტუდენტებმა და მათმა  მენტორებმა დაამუშავეს და წარმოადგინეს  ესკიზები, რომელებიც მიეძღვნა გარემოსადმი პასუხისმგებლობით მიდგომებს. 

ღონისძებაში, მენოტრებად, ჩართულები იყვნენ სფეროს წამყვანი პროფესიონალები - სანდრო კაციტაძე, ლევან ნათაძე, გივი ჯაყელი, მარიკა ქავჟარაძე, გიორგი გაბუნია, ალექსანდრე ჩუბინიძე.

ვორკშოპის მონაწილეები და მხარდამჭერები იყვნენ - ახალი ტექნოლოგიების ცენტრი, CENN, საქართველოს მწვანე მშენებლობის საბჭო (GBC), გეოგრაფიკი, საპროექტო სტუდიები DMARK, მეტი დეველოპმენტი.

ღონისძიების ორგანიზატორები იყვნენ მარიკა ფოჩხუა და გვანცა ხელაძე.