9 ივნისს კავკასიის უნივერსიტეტში გაიმართა განათლების სკოლის რიგით მეხუთე სტუდენტური სამეცნიერო კონფერენცია.
კონფერენცია მიზნად ისახავდა სტუდენტთა კვლევითი პოტენციალის გაზრდასა და განათლების სფეროს აქტუალურ საკითხებთან დაკავშირებით სამეცნიერო-კვლევითი საქმიანობის ხელშეწყობას.
მიმდინარე სასწავლო წლის კონფერენციის მთავარი თემა იყო მდგრადი განვითარების მიზნები და დაწყებითი განათლების საფეხურის გამოწვევები.
ჟიურის წევრები იყვნენ:
- ალუდა გოგლიჩიძე - კავკასიის განათლების სკოლის აფილირებული ასოცირებული პროფესორი;
- ნანა მონიავა - კავკასიის განათლების სკოლის აფილირებული ასისტენტ-პროფესორი;
- ნიკოლოზ სილაგაძე - კავკასიის განათლების სკოლის აფილირებული ასოცირებული პროფესორი;
- სალომე ჩიტორელიძე - კავკასიის განათლების სკოლის საგანმანათლებლო პროგრამების ადმინისტრაციული დირექტორი.
ჟიურის გადაწყვეტილებით, საპრიზო ადგილები შემდეგ მონაწილეებს მიენიჭათ:
- I ადგილი - მარიამ მაჩაიძე, მოხსენებით მოქალაქეობრივი ცნობიერების ფორმირება სასკოლო განათლების სისტემაში: მდგრადი განვითარების სოციალური ასპექტები;
- II ადგილი - ნინო კაპანაძე და ანი ახალაია, მოხსენებით გარემოსდაცვითი განათლება დაწყებით კლასებში: ეროვნული სასწავლო გეგმის ფარგლებში არსებული გამოწვევები;
- III ადგილი - ელინა კუპრაშვილი, მოხსენებით სკოლაში განმავითარებელი შეფასების მრავალფეროვანი ინსტრუმენტების გამოყენების შემაფერხებელი ფაქტორები და მათი დაძლევის გზები.
