განათლების ლიდერობის და მენეჯმენტის სამაგისტრო პროგრამის პირველი ნაწილი მოიცავს 60 ECTS კრედიტს. თითოეული სემესტრი მოიცავს 30 ECTS კრედიტს. სასწავლო წელი აგებულია სემესტრული პრინციპით. ერთი სემესტრი მოიცავს 20 სასწავლო კვირას, შესაბამისად, სასწავლო წელი დაგეგმილია 40 კვირაზე. 1 ECTS კრედიტი უდრის 25  საათს, რაც მოიცავს, როგორც სტუდენტის საკონტაქტო დატვირთვის დროს (ლექცია, სემინარი, პრაქტიკუმი და სხვა), ასევე მისი დამოუკიდებელი მუშაობის დროს (შუალედური და საბოლოო შეფასებისათვის, აგრეთვე საშინაო დავალების მომზადებისა და პრეზენტაციისათვის განკუთვნილ საათებს).

განათლების ლიდერობის და მენეჯმენტის სამაგისტრო პროგრამის პირველი ნაწილის კრედიტები ნაწილდება შემდეგნაირად:

• სავალდებულო კურსების კომპონენტი/ორივე კონცენტრაციისათვის - 20 ECTS კრედიტი;
• სავალდებულო კურსების კომპონენტი კონცენტრაციის მიხედვით - 25 ECTS  კრედიტი:
• სკოლამდელი და ზოგადი განათლების მენეჯმენტის სპეციალიზაციისთვის - 25 ECTS კრედიტი;
• პროფესიული და უმაღლესი განათლების მენეჯმენტის სპეციალიზაციისთვის - 25 ECTS კრედიტი;
• კვლევითი უნარების კომპონენტი - 10 ECTS კრედიტი;
• სავალდებულო-არჩევითი კურსების კომპონენტი - 5 ECTS კრედიტი.

დეტალური ინფორმაციისთვის იხილეთ პროგრამა.

განათლების ლიდერობისა და მენეჯმენტის სამაგისტრო პროგრამაზე სტუდენტის დაშვების წინაპირობაა:

• ბაკალავრის აკადემიური ხარისხის დამადასტურებელი დიპლომი;
• საერთო სამაგისტრო გამოცდის წარმატებით ჩაბარება;
• კავკასიის განათლების სკოლის შესაბამისი პროგრამისთვის რელევანტრი შიდა საუნივერსიტეტო გამოცდა, რაც მოიცავს ინგლისურის გააზრებასა და წერის კომპონენტს B2 დონის შესაბამისად¹- ნიმუში;
• კავკასიის განათლების სკოლის მიმღებ კომისიასთან გასაუბრების წარმატებით გავლა².

¹ აპლიკანტი შეიძლება განთავისუფლდეს მოცემული პირობისაგან იმ შემთხვევაში თუ  წარმოდგენილი არის ინგლისური ენის B2 დონის დამადასტურებელი სერტიფიკატი (TOEFL, IELTS, CAE, TOEIC, FCF (Grades A, B), CPE და სხვ. მათი ვალიდურობის დადასტურების შემთხვევაში). თუ წარმოდგენილი დიპლომის დანართი ადასტურებს ინგლისური ენის B2 დონეზე ცოდნას ან აპლიკანტს დამთავრებულის აქვს ინგლისურენოვანი საბაკალავრო ან/და სამაგისტრო პროგრამა თავისუფლდება ინგლისური ენის სერტიფიკატის წარმოდგენისა და ინგლისურ ენაში შიდა საუნივესიტეტო გამოცდის ჩაბარების ვალდებულებისგან.  

² საბუთების შემოწმების ეტაპის შემდეგ აპლიკანტები გასაუბრებას გაივლიან კავკასიის განათლების სკოლის მიმღებ კომისიასთან. კომისია აპლიკატებს შეაფასებს შემდეგი კრიტერიუმების შესაბამისად:

• განათლების ლიდერობისა და მენეჯმენტის კომპეტენციების განვითარების მოტივაცია;
• ანალიტიკური აზროვნების, ლოგიკური მსჯელობისა და კომუნიკაციის უნარები;
• საბაკალავრო ან სხვა საგანმანათლებლო გამოცდილებაზე რეფლექსიის უნარი;
• განათლების სფეროში მიღებული სამუშაო გამოცდილება (უპირატესობა მიენიჭება თანაბარი კვალიფიკაციის პირობებში).

პროგრამაზე სტუდენტის მობილობით გადმოსვლის შემთხვევაში,საკითხს შეისწავლის პროგრამის დირექტორი და სკოლის დეკანი ზემოთ დათქმული პირობების გათვალისწინებით. გადაწყვეტილება სტუდენტის მობილობის შესახებ ფორმდება კავკასიის უნივერსიტეტის შიდა რეგულაციების შესაბამისად. 

წარმოსადგენი დოკუმენტაცია: 

• დიპლომის და დანართის ნოტარიულად დამტკიცებული ასლი ან ცნობა ხარისხის მინიჭების შესახებ თარიღისა და ბრძანების ნომრის მითითებით;
• პირადობის დამადასტურებელი მოწმობის ასლი;
• NAEC-ის ბარათი;
• 2 ცალი პასპორტის ფოტოსურათი (იგივე ჩაწერილი CD-ზე);
• სამხედრო მიწერის მოწმობის ასლი (მამაკაცებისთვის);
• CV / რეზიუმე;
• სამოტივაციო წერილი (არანაკლებ 400 სიტყვისა და არა უმეტეს 600 სიტყვისა);
• სარეკომენდაციო წერილი;
• ონლაინ რეგისტრაციის ფორმა.

მნიშვნელოვანი თარიღები:

• ონლაინ რეგისტრაციის ბოლო ვადა - სექტემბერი, 2026;
• საბუთების მიღების ბოლო ვადა - სექტემბერი, 2026;
• გამოცდა ინგლისურ ენაში (საჭიროების შემთახვევაში) / გამოცდა CU გრანტის მოპოვების მსურველთათვის - სექტემბერი, 2026;
• გასაუბრება შერჩეულ კანდიდატებთან - სექტემბერი, 2026.

გადახდის პირობები

სწავლის საფასურის გადახდა ხდება სემესტრულად, აღებული კრედიტების შესაბამისად.

სალომე ჩიტორელიძე

საგანმანათლებლო პროგრამების ადმინისტრაციული დირექტორი

ტელ: (+995 32) 237 77 77 (235)

მობ: 599 011017
ელ.ფოსტა: schitorelidze@cu.edu.ge