27 თებერვალს, 14:00 საათზე, კავკასიის უნივერსიტეტში, იხსნება კვანტური ლაბორატორია.

ლაბორატორია აღჭურვილია ულტრათანამედროვე ტექნოლოგიებით, რაც საფუძველს ჩაუყრის საქართველოში კვანტური ტექნოლოგიისა და კრიპტოგრაფიული უსაფრთხოების მიმართულებით საქმიანობის განვითარებას.  ლაბორატორიის კვლევითი ბაზა მოიცავს:

• სამეცნიერო და სამრეწველო დანიშნულებისთვის, USB კვანტური შემთხვევითი რიცხვების გენერატორებსა (QRNG) და პორტატულ კვანტურ მოწყობილობებს;
• QRNG PCIe ბარათებს;
• გვერდითი არხების თავდასხმების (Side - channel attacks) ანალიზისთვის, სპეციალიზირებულ სერვერებსა და სატესტო მოწყობილობებს;
• ChipWhisperer პლატფორმებს ჩაშენებული სისტემების უსაფრთხოებისა და პოსტ - კვანტური კრიპტოგრაფიის კვლევისათვის.

ლაბორატორიის გახსნა ხორციელდება Erasmus+ Secure და NATO პროგრამის „მეცნიერება მშვიდობისა და უსაფრთხოებისთვის“ (SPS) ფინანსური მხარდაჭერითა და თანამშრომლობით.

ღონისძიებაზე დასწრების მსურბელებმა გთხოვთ, რეგისტრაცია გაიაროთ მითითებულ ბმულზე.