გაცნობებთ, რომ ქეჯის ბიზნესის სკოლა, საფრანგეთი (Kedge Business School, France) კავკასიის უნივერსიტეტის დაინტერესებულ სტუდენტებს იწვევს ზამთრის სკოლის პროგრამაში “Disruptive Innovations and Modern Management” მონაწილეობის მისაღებად, რომელიც გაიმართება 2025 წლის 13-24 იანვარს, პარიზი, საფრანგეთი.
KEDGE ზამთრის სკოლის ხანხგრძლივობა შეადგენს ორ კვირას და მოიცავს ორ სალექციო კურსს. სტუდენტებს შესაძლებლობა აქვთ დაესწრონ სრულ პროგრამას ან მხოლოდ ერთ სალექციო კურსს.
კვირა 1: ბიზნეს ინტელექტი და ანალიტიკა (13-17 იანვარი, 2025 – 4 ECTS კრედიტი);
კვირა 2: მომხმარებლის ღირებულება და ინოვაციური ტექნოლოგიები (20-24 იანვარი, 2025 – 4 ECTS კრედიტი).
პროგრამის დასრულების შემდგომ გაიცემა მონაწილეობის დამადასტურებელი სერტიფიკატი.
კავკასიის უნივერსიტეტის სტუდენტებისთვის პროგრამაში მონაწილეობა არის უფასო, სტუდენტი მხო
ლოდ იხდის პროგრამის ადმინისტრაციულ მოსაკრებელს, რომელიც შეადგენს - 100 ევროს (რომელიც უკან არ ბრუნდება).
პროგრამის ფარგლებში არ არის დაფინანსებული მგზავრობის, სამოგზაურო დაზღვევის, საცხოვრებლისა და პირადი ხარჯები.
დაინტერესებულმა სტუდენტებმა მონაწილეობა უნდა მიიღონ შიდა საუნივერსიტეტო შესარჩევ კონკურსში და შემდეგი დოკუმენტები უნდა წარმოადგინონ ელექტრონული ფორმით მოცემულ მისამართზე: ir@cu.edu.ge.
- ნიშნების ფურცელი (მინიმალური კუმულაციური GPA- 3.0);
- აქტიური სტუდენტის სტატუსის დამადასტურებელი ცნობა;
- მოქმედი პასპორტის ასლი;
- ინგლისური ენის B2 დონის დამადასტურებელი ცნობა
აღნიშნული დოკუმენტების მისაღებად, გთხოვთ ეწვიოთ A2 ოთახს, პირველი სართული.
დოკუმენტების წარდგენის საბოლოო ვადაა- 26 ნოემბერი, 2024.
გთხოვთ, ყურადღებით გაეცნოთ მოცემულ ბმულს, სადაც ხელმისაწვდომია დეტალური ინფორმაცია სააპლიკაციო პროცესის, პროგრამაში მონაწილეობისათვის საჭირო ეტაპებისა და შემოთავაზებული კულტურული აქტივობების და აგრეთვე კურსის სილაბუსის შესახებ.
პროგრამის ფარგლებში შესაძლებელია ECTS კრედიტების აღიარება. გთხოვთ, გაითვალისწინეთ რომ კრედიტების აღიარება მოხდება მხოლოდ იმ შემთხვევაში, თუ დადგინდება პროგრამული შესაბამისობა შემოთავაზებულ კურსებსა და კავკასიის უნივერსიტეტში არსებულ საგნებს შორის. პროგრამაში შერჩევის შემთხვევაში, პროგრამული შესაბამისობის დადგენა გამგზავრებამდე ხდება სკოლის ადმინისტრაციასთან.
ასევე, გაითვალისწინეთ, რომ ECTS კრედიტების აღიარება შესაძლებელია მხოლოდ იმ შემთხვევაში, თუ სტუდენტი პროგრამის დასრულების შემდეგ წარმოადგენს ნიშნების ფურცელს.
გისურვებთ წარმატებას!