სამართლის სამაგისტრო საგანმანათლებლო პროგრამა შედგება ორი ნაწილისგან, რომელთაგან თითოეულის მოცულობა შეადგენს 60 ECTS კრედიტს, ჯამურად 120 ECTS კრედიტს.  სტუდენტის წლიური სასწავლო დატვირთვა, როგორც წესი, შეადგენს 60 ECTS კრედიტს და არ უნდა აღემატებოდეს 75 ECTS კრედიტს, შესაბამისად სამაგისტრო პროგრამის  თითოეული ნაწილის ხანგრძლივობა შეადგენს 1 აკადემიურ წელს.

სამართლის სამაგისტრო საგანმანათლებლო პროგრამა, მიუხედავად მისი ორი თანმიმდევრული 60 ECTS-იანი ნაწილისგან შემდგარი სტრუქტურისა, წარმოადგენს ერთიან საგანმანათლებლო პროგრამას და ეფუძნება სწავლის შედეგებზე დაფუძნებულ მიდგომას, რაც უზრუნველყოფს კომპეტენციების ეტაპობრივ, ლოგიკურ და ურთიერთდაკავშირებულ განვითარებას პროგრამის მთელ მოცულობაში. პროგრამის პირველი 60 კრედიტიანი ნაწილი ორიენტირებულია სამართლის ერთ ან რამდენიმე სფეროში სპეციალიზაციაზე, პროფესიული და პრაქტიკული კომპეტენციების განვითარებაზე, აგრეთვე სამართლებრივი პრობლემების ანალიზისა და გადაწყვეტის უნარის ჩამოყალიბებაზე. აღნიშნული ნაწილი მოიცავს თეორიულ სასწავლო კურსებს (სავალდებულო და არჩევითი), პრაქტიკულ კომპონენტებს (შემთხვევის ანალიზი (case study), იმიტირებული სასამართლო პროცესები, კლინიკური სწავლება და სხვა) და პროფესიული ეთიკის პრინციპების პრაქტიკულ გამოყენებაზე, აკადემიური კეთილსინდისიერებისა და იურიდიული არგუმენტაციის განვითარებაზე მიმართულ აქტივობებს.

პროგრამის მეორე 60 კრედიტიანი ნაწილი მოიცავს პირველი ნაწილის ფარგლებში განვითარებულ კომპეტენციებს და ორიენტირებულია სიღრმისეული თეორიული და ანალიტიკური ცოდნის განვითარებაზე, კვლევითი კომპეტენციების გაძლიერებაზე და კომპლექსური სამართლებრივი პრობლემების დამოუკიდებლად ანალიზსა და გადაწყვეტაზე. იგი მოიცავს კვლევის მეთოდოლოგიისა და აკადემიური წერის განვითარებას, სპეციალიზაციის შემდგომ გაღრმავებას, აგრეთვე კვლევით კომპონენტს - სამაგისტრო ნაშრომს (30 ECTS კრედიტი), რომელიც ეფუძნება დამოუკიდებელ კვლევას და აკმაყოფილებს აკადემიური კეთილსინდისიერების სტანდარტებს.

სამაგისტრო პროგრამის ოპტიმალური ვადის (2 წელი) დასრულების შემდეგ, თეორიული, პრაქტიკული ან/და კვლევითი კომპონენტების სრულად აუთვისებლობის შემთხვევაში, მაგისტრანტს უფლება აქვს სწავლა დაასრულოს დამატებით, არაუმეტეს მომდევნო ექვსი სემესტრის განმავლობაში. დამატებითი სემესტრების განმავლობაში სტუდენტს უნარჩუნდება სტატუსი, ხოლო სწავლის საფასური განისაზღვრება ასათვისებელი კრედიტების რაოდენობის შესაბამისად, პროგრამისათვის დადგენილი წლიური გადასახადის პროპორციულად.

იხილეთ პროგრამა

მიღების წესი

სამართლის სამაგისტრო პროგრამის პირველ ნაწილზე ჩარიცხვის წინაპირობაა:

სამართალმცოდნეობის ბაკალავრის ან მასთან გათანაბრებული აკადემიური ხარისხის ქონა. (სამაგისტრო პროგრამაზე სწავლის უფლება შეიძლება მიენიჭოს უცხოური უნივერსიტეტის შესაბამისი პროფილის მქონე პროგრამის კურსდამთავრებულს და მობილობის წესით საქართველოს და უცხოეთის სამართლის სამაგისტრო პროგრამებზე რიცხულ, სამართლმცოდნეობის ბაკალავრის აკადემიური ხარისხის მქონე სტუდენტებს.) 

სსიპ შეფასებისა და გამოცდების ეროვნული ცენტრის მიერ ჩატარებული საერთო სამაგისტრო გამოცდის ჩაბარება.

ინგლისური ენის მინიმუმ B2 დონის ფლობის დამადასტურებელი საერთაშორისო სერტიფიკატის (IELTS – 6.0, TOEFL – 78 ან სხვა რელევანტური სერტიფიკატის) წარმოდგენა.

სერტიფიკატის არქონის შემთხვევაში, უნივერსიტეტი უზრუნველყოფს შიდა წერითი გამოცდის ჩატარებას, რომელიც მოიცავს ინგლისური ენის გაგებისა და წერის კომპონენტებს B2 დონის შესაბამისად, ასევე, ზოგად ლოგიკურ და რაოდენობრივ მსჯელობის ამოცანებს. აპლიკანტი შეიძლება განთავისუფლდეს აღნიშნული გამოცდისგან იმ შემთხვევაში, თუ ფლობს უცხოეთში (პროგრამის სასწავლო ენაზე) მიღებულ ბაკალავრის ან მაგისტრის ხარისხს, ან სხვა გარემოებას, რომელიც დადგენილია უნივერსიტეტის შიდა რეგულაციით.

კავკასიის უნივერსიტეტის სამართლის სკოლის მიერ ორგანიზებული გამოცდისა ან/და გასაუბრების წარმატებულ გავლას. 

სამართლის სამაგისტრო პროგრამის მეორე ნაწილზე ჩარიცხვის წინაპირობაა პროგრამის I ნაწილის გავლა.

პროგრამის პირველი ნაწილის დასრულების შემდეგ, პირი უფლებამოსილია სამაგისტრო გამოცდების ჩაბარების გარეშე გააგრძელოს სწავლა პროგრამის 60 კრედიტის მოცულობის მეორე ნაწილზე, იმ შემთხვევაში, თუ პირველ ნაწილზე ჩარიცხვიდან არ არის გასული 5 წელი. აღნიშნული ვადის გასვლის შემდეგ, პროგრამის 60 კრედიტის მოცულობის მეორე ნაწილზე ჩარიცხვისთვის, პირი ვალდებულია ჩააბაროს სამაგისტრო გამოცდა. სხვა უმაღლესი საგანმანათლებლო დაწესებულების არანაკლებ 120-კრედიტიანი იმავე სამაგისტრო საგანმანათლებლო პროგრამის 60 კრედიტის მოცულობის პირველი ნაწილის დასრულების შემდეგ, პირი ვალდებულია ჩააბაროს სამაგისტრო გამოცდა იმისათვის, რომ ჩააბაროს აღნიშნული პროგრამის მეორე ნაწილზე.

CU გრანტის მოპოვების მსურველთათვის ჩატარდება: 

• გამოცდა ინგლისურ ენაში
• გამოცდა სპეციალიზაციაში
• გასაუბრება დარგის სპეციალისტებთან.

გასაუბრება ჩატარდება დარგის სპეციალისტებთან (იხ. შეფასების კრიტერიუმები)

იხ. გამოცდის ნიმუშები:

• კერძო
• სისხლი
• საჯარო