სამართლის სამაგისტრო საგანმანათლებლო პროგრამის პირველი ნაწილის მოცულობა შეადგენს 60 ECTS კრედიტს და სწავლების ხანგრძლივობა შეადგენს 1 აკადემიურ წელს. ერთი ECTS კრედიტი უდრის 25 საათს და მოიცავს როგორც მაგისტრანტის საკონტაქტო დატვირთვას (ლექცია, სემინარი, პრაქტიკუმი და სხვა), ასევე დამოუკიდებელი მუშაობისათვის განკუთვნილ დროს. სამართლის სკოლის მაგისტრატურაში სასწავლო წელი აგებულია სემესტრული პრინციპით, სადაც პირველი (შემოდგომის) და მეორე (გაზაფხულის) სემესტრი მოიცავს 19 კალენდარულ კვირას, შესაბამისად, სასწავლო წელი დაგეგმილია 38 კვირაზე.

პროგრამის პირველი 60 კრედიტიანი ნაწილი ორიენტირებულია სამართლის ერთ ან რამდენიმე სფეროში სპეციალიზაციაზე, პროფესიული და პრაქტიკული კომპეტენციების განვითარებაზე, აგრეთვე სამართლებრივი პრობლემების ანალიზისა და გადაწყვეტის უნარის ჩამოყალიბებაზე. აღნიშნული ნაწილი მოიცავს თეორიულ სასწავლო კურსებს (სავალდებულო და არჩევითი), პრაქტიკულ კომპონენტებს (შემთხვევის ანალიზი (case study), იმიტირებული სასამართლო პროცესები, კლინიკური სწავლება და სხვა) და პროფესიული ეთიკის პრინციპების პრაქტიკულ გამოყენებაზე, აკადემიური კეთილსინდისიერებისა და იურიდიული არგუმენტაციის განვითარებაზე მიმართულ აქტივობებს.

პროგრამის პირველი ნაწილის სტანდარტული ვადის (ერთი წელი) ამოწურვის შემდეგ, მაგისტრანტს უფლება აქვს  საგანმანათლებლო პროგრამის დასრულების მიზნით სწავლა განაგრძოს დამატებით ვადაში, არა უმეტეს ორი სემეტრი (ერთი აკადემიური წელი), სტუდენტის სტატუსის შენარჩუნებით.

იხილეთ პროგრამა.

მიღების წესი

სამართლის სამაგისტრო პროგრამის პირველ ნაწილზე ჩარიცხვის წინაპირობაა:

• სამართალმცოდნეობის ბაკალავრის ან მასთან გათანაბრებული აკადემიური ხარისხის ქონა. (სამაგისტრო პროგრამაზე სწავლის უფლება შეიძლება მიენიჭოს უცხოური უნივერსიტეტის შესაბამისი პროფილის მქონე პროგრამის კურსდამთავრებულს და მობილობის წესით საქართველოს და უცხოეთის სამართლის სამაგისტრო პროგრამებზე რიცხულ, სამართლმცოდნეობის ბაკალავრის აკადემიური ხარისხის მქონე  სტუდენტებს.);
• სსიპ შეფასებისა და გამოცდების ეროვნული ცენტრის მიერ ჩატარებული საერთო სამაგისტრო გამოცდის ჩაბარება;
• ინგლისური ენის მინიმუმ B2 დონის ფლობის დამადასტურებელი საერთაშორისო სერტიფიკატის (IELTS–6.0, TOEFL–78 ან სხვა რელევანტური სერტიფიკატის) წარმოდგენა;

სერტიფიკატის არქონის შემთხვევაში, უნივერსიტეტი უზრუნველყოფს შიდა წერითი გამოცდის ჩატარებას, რომელიც მოიცავს ინგლისური ენის გაგებისა და წერის კომპონენტებს B2 დონის შესაბამისად, ასევე, ზოგად ლოგიკურ და რაოდენობრივ მსჯელობის ამოცანებს. აპლიკანტი შეიძლება განთავისუფლდეს აღნიშნული გამოცდისგან იმ შემთხვევაში, თუ ფლობს უცხოეთში (პროგრამის სასწავლო ენაზე) მიღებულ ბაკალავრის ან მაგისტრის ხარისხს, ან სხვა გარემოებას, რომელიც დადგენილია უნივერსიტეტის შიდა რეგულაციით.

• კავკასიის უნივერსიტეტის სამართლის სკოლის მიერ ორგანიზებული გამოცდისა ან/და გასაუბრების წარმატებულ გავლას. 

წარმოსადგენი დოკუმენტაცია

1. პირადობის დამადასტურებელი მოწმობა (პასპორტი) და მისი ასლი;
2. სამართალმცოდნეობის ბაკალავრის ან მასთან გათანაბრებული აკადემიური ხარისხის დამადასტურებელი დიპლომისა და დანართის დამოწმებული ასლი;
3. ერთი რეკომენდატორის მითითება;
4. ორი ფოტოსურათი ზომით 3X4 (ბეჭდური და ციფრული ვერსია CD-ზე)
5. მიწერის მოწმობის ან სამხედრო ბილეთის ასლი (სამხედრო ვალდებულისათვის);
6. საერთო სამაგისტრო გამოცდების ჩაბარების დამადასტურებელი სერტიფიკატის დედანი გამოცდების ეროვნული ცენტრიდან (მისი არსებობის შემთხვევაში), ან მაგისტრანტობის   კანდიდატის მიერ სამაგისტრო გამოცდებზე მიღებული ქულების ამონაბეჭდი გამოცდების  ეროვნული ცენტრის საიტიდან (www.naec.ge ).      
7. სამოტივაციო წერილი პროგრამაზე სწავლის თაობაზე.
8. რეზიუმე - CV (ქართულ ენაზე).
9. ინგლისური ენის B2 დონეზე ფლობის დამადასტურებელი საერთაშორისო სერტიფიკატის წარმოდგენა. სერტიფიკატის  არქონის შემთხვევაში, უნივერსიტეტი უზრუნველყოფს შიდა ტესტური გამოცდის მეშვეობით აღნიშნული ენის B2 დონაზე ცოდნის შეფასებას. შესაბამის ენობრივ კომპეტენციას უთანაბრდება აპლიკანტის მიერ უცხოეთში (პროგრამის მითითებულ ენაზე  გავლის შემთხვევაში) მიღებული ბაკალავრის ან მაგისტრის აკადემიური ხარისხის დამადასტურებელი დოკუმენტის წარმოდგენა;
10.  ადგილზე შევსებული ფორმა 1 (პირადი მონაცემების შესახებ) 

თარიღები 

• საბუთების მიღების ბოლო ვადა - სექტემბერი, 2026, ოთახი A2;
• CU გრანტის მოპოვების მსურველთათვის გამოცდა სპეციალიზაციაში ჩატარდება - სექტემბერი, 2026;
• გამოცდა ინგლისურ ენაში ჩატარდება - სექტემბერი, 2026;
• კანდიდატებთან გასაუბრება ჩატარდება - სექტემბერი, 2026.

გადახდის პირობები

სწავლის საფასურის გადახდა ხდება სემესტრულად, აღებული კრედიტების შესაბამისად.

მაგისტრატურაში სწავლის დაფინანსება სახელმწიფო გრანტთან ერთად შეგიძლიათ CU გრანტით, რომელიც გულისხმობს 50%-იან დაფინანსებას პროგრამის სრულ ღირებულებაზე.

 CU გრანტის მოპოვების ორი შესაძლებლობა არსებობს:

• თუ ხართ/იქნებით ნებისმიერი უნივერსიტეტის საბაკალავრო პროგრამის კურსდამთავრებული და გაქვთ ბაკალავრიატის ჯამურ ქულათა საშუალო შეწონილი (GPA) 3,5 და მეტი
• თუ საერთო სამაგისტრო გამოცდაზე  დააგროვებთ მაქსიმალური საგრანტო ქულის  65% და მეტს 

თუ ორი პირობიდან რომელიმეს აკმაყოფილებთ შესაძლებლობა გექნებათ ჩაერთოთ საგრანტო კონკურსში და მოიპოვოთ დაფინანსება.

სამაგისტრო პროგრამაზე სწავლის წლიური ღირებულება: 

იმ შემთხვევაში თუ კავკასიის უნივერსიტეტის კურსდამთავრებულს არ აქვს GPA (3,5 და მეტი), ის მიიღებს სრული პროგრამის 10%-იან დაფინანსებას.