თანამშრომლობის მემორანდუმი კავკასიის უნივერსიტეტსა და ქალაქ ბათუმის მერიას შორის

6 დეკემბერი 2021

კავკასიის უნივერსიტეტსა და ქალაქ ბათუმის მერიას შორის ურთიერთთანამშრომლობის მემორანდუმი გაფორმდა.

 

მემორანდუმს ხელი მოაწერეს კავკასიის უნივერსიტეტის პრეზიდენტმა, კახა შენგელიამ და ქალაქ ბათუმის მერმა, არჩილ ჩიქოვანმა.

 

თანამშრომლობა გულისხმობს Erasmus+-ის ინსტიტუციური განვითარების პროექტის -„რეგიონალური უნივერსიტეტების როლი რეგიონის განვითარებაში” ფარგლებში ერთობლივი პროექტების მომზადებასა და განხორციელებას, მათ შორის, სამეცნიერო-კვლევით თანამშრომლობას. 

 

თანამშრომლობა ასევე ითვალისწინებს ორივე მხარისთვის საინტერესო დარგებში კონსულტაციის, საექსპერტო მომსახურების გაწევასა და შესაძლებლობების ფარგლებში, სტუდენტებისთვის სტაჟირების ან დასაქმების ხელშეწყობას კანონმდებლობით დადგენილი წესით. 

შეხვედრის ფარგლებში უნივერსიტეტის წარმომადგენლებმა ჩაატარეს ტრენინგი რეგიონის საჭიროებებთან დაკავშირებით.

 

მემორანდუმის ფარგლებში, მხარეები საგანმანათლებლო და სამეცნიერო სფეროებში თანამშრომლობის გაღრმავებასა და განვითარებაზე შეთანხმდნენ.