კავკასიის უნივერსიტეტი აცხადებს ადმინისტრაციული პერსონალისთვის საკონკურსო განაცხადების მიღებას 2022 წლის გაზაფხულის სემესტრში Erasmus + ის გაცვლით პროგრამაში მონაწილეობის მისაღებად.
Erasmus + ის გაცვლითი პროგრამა ადმინისტრაციული პერსონალის საერთაშორისო მობილობისთვის ითვალისწინებს მგზავრობის ხარჯის დაფარვას და გასცემს სტიპენდიებს. სტიპენდიის ოდენობა განსაზღვრულია Erasmus+ ის სახელმძღვანელოსა და მიმღები ქვეყნის კანონმდებლობის შესაბამისად.
პარტნიორ უნივერსიტეტში სამუშაო ვიზიტი/მობილობა არის ერთკვირიანი (5 სამუშაო დღეს+ 2 დღე მგზავრობისთვის). ვიზიტის პროგრამა შემუშავდება ინდივიდუალურად, პარტნიორი უნივერსიტეტის მიერ შერჩეული კანდიდატურის ნომინაციის მიღებისა და დადასტურების შემდგომ.
2022 წლის გაზაფხულის სემესტრში ადმინისტრაციული პერსონალის მობილობა შესაძლებელია შემდეგ უნივერსიტეტებში:
- სტამბულის ბილგის უნივერსიტეტი, თურქეთი (Istanbul Bilgi University, Turkey)
- ოვიდიუსის უნივერსიტეტი, რუმინეთი (Ovidius University in Constanta, Romania)
- ტუშას უნივერსიტეტი, იტალია (University of TUSCIA, Italy)
- Šiauliai გამოყენებით მეცნიერებათა სახელმწიფო უნივერსიტეტი, ლიეტუვა (Šiauliai State University of Applied Sciences, Lithuania)
- პოვისლანსკის კოლეჯი კვიძინში, პოლონეთი (Powislanski College in Kwidzyn, Poland)
- ბაბეშ-ბოლაის უნივერსიტეტი, რუმინეთი (Babes-Bolyai University, Romania)
- Wszechnica Polska ვარშავის უნივერსიტეტი, პოლონეთი (Wszechnica Polska University in Warsaw, Poland)
- ვალენსიის პოლიტექნიკური უნივერსიტეტი, ესპანეთი (Polytechnic University of Valencia, Spain)
- ახლო აღმოსავლეთის ტექნიკური უნივერსიტეტი, თურქეთი (Middle East Technical University, Turkey)
განაცხადების წარმოდგენა შეუძლია:
- კავკასიის უნივერსიტეტის ადმინისტრაციულ თანამდებობაზე დასაქმებულ პერსონალს
კონკურსში მონაწილეობის მიზნებისათვის აუცილებელია ინგლისური ენის ფლობა და შემდეგი დოკუმენტების წარმოდგენა ინგლისურ ენაზე:
- საერთაშორისო პასპორტის ასლი;
- EUROPASS CV
- 1 სამოტივაციო წერილი;
- 1 სარეკომენდაციო წერილი.
არ განიხილება განაცხადები, რომლებიც:
- იქნება არასრულყოფილი ან დადგენილი მოთხოვნების შეუსაბამო;
- იქნება დაგვიანებით ან ეტაპობრივად წარმოდგენილი.
კანდიდატებს განაცხადების წარმოდგენა შეუძლიათ ელექტრონული ფორმით 2022 წლის 3 აპრილის ჩათვლით შემდეგ მისამართზე: ir@cu.edu.ge
კანდიდატმა ელ-ფოსტის სათაურში უნდა მიუთითოს უნივერსიტეტის დასახელება რომელზეც აკეთებს განაცხადს, თითოეული დოკუმენტი უნდა იყოს შესაბამისად დასათაურებული.
შერჩევის პროცედურა:
- წარმოდგენილ სააპლიკაციო დოკუმენტებს განიხილავს კავკასიის უნივერსიტეტის საკონკურსო კომისია;
- შერჩევის პროცესში უპირატესობა მიენიჭება იმ კანდიდატებს, რომლებსაც ჯერ არ უსარგებლიათ Erasmus+ მობილობის პროგრამით;
- საჭიროების შემთხვევაში, შესაძლოა დაინიშნოს გასაუბრება ან ტესტირება ინგლისურ ენაში;
- შერჩეული კანდიდატების ნომინირება და დოკუმენტების მიწოდება მიმღები უნივერსიტეტისათვის;
- ადმინისტრაციული პერსონალის საბოლო შერჩევა მოხდება მიმღები უნივერსიტეტის მიერ;
დამატებითი ინფორმაციისთვის მიმართეთ კავკასიის უნივერსიტეტის საერთაშორისო ურთიერთობებისა და პროექტების დეპარტამენტს, მეორე სართული, ოთახი B25.