გაცნობებთ, რომ ამერიკის შეერთებული შტატების საელჩო საქართველოში, აცხადებს მიღებას ამერიკის ინსტიტუტების შესწავლის პროგრამაზე სტუდენტებისთვის.

პროგრამის ფარგლებში, შერჩეული მონაწილეები 2025 წლის ზაფხულში 4-5 კვირას გაატარებენ ამერიკის შეერთებულ შტატებში, 2025 წლის 24 ივნისიდან 26 ივლისამდე.

მოკლევადიანი პროგრამის მიზანია შეერთებული შტატების შესახებ ცოდნისა და ლიდერული უნარების გაღრმავება. პროგრამა შეეხება ახალგაზრდა სტუდენტების ჩართულობას სამოქალაქო საკითხებში.

წარსადგენი დოკუმენტები:

• სააპლიკაციო ფორმა (Word-ის ფორმატში);
• ნიშნების ფურცელი (მე-2, მე-3 კურსის სტუდენტებისთვის), პირველი კურსის სტუდენტებს შეუძლიათ მიმდინარე შეფასების დამადასტურებელი დოკუმენტი;
• სარეკომენდაციო წერილი ინგლისურ ენაზე უნივერსიტეტის პროფესორისგან (ხელმოწერილი, PDF ფორმატში).

გთხოვთ, დოკუმენტები გაგზავნოთ არაუგვიანეს 2024 წლის 29 ნოემბრისა (18:00 - საქართველოს დროით) შემდეგ ელექტრონულ მისამართზე:  TbilisiExchanges@state.gov და დანიშნულებაში მიუთითეთ „2025 SUSI for students”.

აღნიშნულ პროგრამაში მონაწილეობის მიღება შეუძლიათ 18-25 წლის აქტიურ სტუდენტებს.

პროგრამის დაფინანსება:

პროგრამა ფარავს მონაწილეთა ხარჯებს სრულად (სწავლა, მგზავრობა, ცხოვრება, სასწავლო მასალა, სავიზო მოსაკრებელი და ა.შ)

დეტალური ინფორმაციის მისაღებად გთხოვთ ეწვიოთ ბმულს.

გისურვებთ წარმატებას!