ავსტრიის მეცნიერებისა და კვლევის სამინისტრო, კავკასიის ბიზნესის სკოლის ბაკალავრიატისა და მაგისტრატურის საფეხურის სტუდენტებისთვის აცხადებს Ernst Mach-ის გაცვლით სასტიპენდიო პროგრამაზე განაცხადების მიღებას ავსტრიის გამოყენებით მეცნიერებათა უნივერსიტეტში (FH JOANNEUM University of Applied Sciences, Austria) სასწავლებლად.
მობილობის დაგეგმვა შესაძლებელია ერთი სემესტრით (2023 შემოდგომა ან 2024 გაზაფხულის სემესტრი), ან/და სრულად 2023/2024 აკადემიური წლისთვის. განაცხადის წარმოდგენისას, სტუდენტმა სააპლიკაციო ფორმაში, შესაბამის ფრაგაში, უნდა მიუთითოს აღნიშნული ინფორმაცია.
კონკურსი დაყოფილია ორ ეტაპად:
- I ეტაპზე, კავკასიის უნივერსიტეტის მიერ მოხდება სტუდენტების შერჩევა და ნომინირება ავსტრიის გამოყენებით მეცნიერებათა უნივერსიტეტში. შერჩეულ კანდიდატებს ავსტრიის გამოყენებით მეცნიერებათა უნივერსიტეტიდან ეგზავნებათ ჩარიცხვის წერილი (acceptance letter).
- მეორე ეტაპი გულისხმობს, მიღებული მოწვევის წერილის საფუძველზე, სტუდენტის მიერ საკონკურსო განაცხადის შეტანას უშუალოდ Ernst Mach -ის სასტიპენდიო პროგრამაზე 2023 წლის 1 მარტამდე.
კონკურსში მონაწილეობის მისაღებად, კავკასიის ბიზნესის სკოლის ბაკალავრიატისა და მაგისტრატურის საფეხურის აქტიურმა სტუდენტებმა, შემდეგი დოკუმენტები უნდა წარმოადგინონ ინგლისურ ენაზე:
- პირადობის მოწმობის ან პასპორტის ასლი;
- შევსებული სააპლიკაციო ფორმა (იხ.დანართი #1);
- EUROPASS CV ;
- უცხო ენის ცოდნის დამადასტურებელი სერტიფიკატი (IELTS – 6.0\TOEFL-78);
- ნიშნების ფურცელი;
- 1 სამოტივაციო წერილი;
- 1 სარეკომენდაციო წერილი (პროფესიული საგნის ლექტორი/დეკანი/ პროგრამის დირექტორი).
კონკურსში მონაწილეობის მიღება არ შეუძლიათ:
- საბაკალავრო პროგრამის დამამთავრებელი სემესტრის სტუდენტებს;
- სამაგისტრო პროგრამის დამამთავრებელი სემესტრის სტუდენტებს;
- 35 წელს გადაშორებულ კანდიდატებს
არ განიხილება იმ სტუდენტთა განაცხადები, რომლებიც:
- არ აკმაყოფილებენ გაცვლით პროგრამაში მონაწილეობისათვის ჩარჩო ხელშეკრულებითა და კავკასიის უნივერსიტეტის საერთაშორისო ურთიერთობების დეპარტამენტის დებულებით დადგენილ მოთხოვნებს;
- წარმოდგენილი განაცხადები იქნება არასრულყოფილი ან დადგენილი მოთხოვნების შეუსაბამო;
- დაგვიანებით, ან ეტაპობრივად წარმოდგენილი განაცხადები არ განიხილება.
კანდიდატებს განაცხადების წარმოდგენა შეუძლიათ ელექტრონული ფორმით 2023 წლის 25 იანვრის ჩათვლით შემდეგ ელექტრონულ მისამართზე: ir@cu.edu.ge
კანდიდატებმა ელ-ფოსტის სათაურში უნდა მიუთითონ გრანტის დასახელება (Ernst Mach Grant), წარმოდგენილი დოკუმენტები უნდა იყოს შესაბამისად დასათაურებული.
გთხოვთ, გაითვალისწინეთ, რომ პროგრამაში მონაწილე სტუდენტს, სწავლის დასრულება არ შეუძლია პარტნიორ უნივერსიტეტში.
შერჩევის პროცედურა:
- წარმოდგენილ სააპლიკაციო დოკუმენტებს განიხილავს კავკასიის უნივერსიტეტის საკონკურსო კომისია.
- კომისიის მიერ მოხდება შერჩეული კანდიდატების ნომინირება ავსტრიის გამოყენებით მეცნიერებათა უნივერსიტეტში;
- სტუდენტების საბოლოო შერჩევა მიმღები უნივერსიტეტის მიერ და ჩარიცხვის წერილის გამოგზავნა.
- კონკურსის მეორე ეტაპთან დაკავშირებით, რაც გულისხმობს Ernst Mach სტიპენდიაზე განაცხადის შეტანას, კანდიდატებს დამატებით დაუკავშირდება საერთაშორისო ურთიერთობების დეპარტამენტი.
დამატებითი ინფორმაციისთვის მიმართეთ კავკასიის უნივერსიტეტის საერთაშორისო ურთიერთობების დეპარტამენტს, მეორე სართული, ოთახი B25.