2 სექტემბერს, კავკასიის უნივერსიტეტის პრეზიდენტ კახა შენგელიასა და უნივერსიტეტის ახალ ელჩებს შორის გაცნობითი სახის შეხვედრა შედგა.
კავკასიის უნივერსიტეტის ელჩებს მიესალმა სტუდენტური და ორგანიზაციული ღონისძიებების სამსახურის უფროსი მერი ხვიჩია, მან ისაუბრა კავკასიის უნივერსიტეტის ელჩების პროგრამის შესახებ და უპასუხა დასმულ შეკითხვებს.
კავკასიის უნივერსიტეტი უკვე მეორე წელია ელჩების პროგრამას წარმატებით ახორციელებს. 2024 წლის შემოდგომის სემესტრს ელჩების ახალი ნაკადი შეუერთდა, თერთმეტი სკოლის 32 გამორჩეული სტუდენტი, რომელიც განსაკუთრებული აკადემიური მოსწრების, უნარ-ჩვევების, მრავალფეროვანი ინტერესებისა და საერთაშორისო აკადემიური გამოცდილების მიხედვით შეირჩა. ისინი 1 წლის განმავლობაში ჩართულები იქნებიან CU-ის სტუდენტური ცხოვრების გაუმჯობესებაში და ადგილობრივი, თუ საერთაშორისო სტუდენტებისთვის საინტერესო ატმოსფეროს შექმნაში.
უნივერსიტეტის ელჩების პროგრამა საერთაშორისო აპრობირებული მეთოდია, რომელიც სტუდენტების ჩართულობის ზრდასა და მათი მეშვეობით, სტუდენტური ცხოვრების კიდევ უფრო მეტად გააქტიურებას ემსახურება.
შეხვედრის დასასრულს, კავკასიის უნივერსიტეტის პრეზიდენტმა ელჩებს მათთვის სპეციალურად დამზადებული ბრენდირებული მაისურები და პინები გადასცა.
