კავკასიის უნივერსიტეტის სამართლის სკოლის სამაგისტრო პროგრამის სტუდენტის, ედიშერ გამგონეიშვილის მიერ წარდგენილმა პროექტმა 2021 წლის რუსთაველის საქართველოს ეროვნული სამეცნიერო ფონდის მიერ გამოცხადებულ “მაგისტრანტთა სასწავლო-კვლევითი პროექტების გრანტით დაფინანსების კონკურსი”-ში გაიმარჯვა.
პროექტის სახელწოდებაა: "კაპიტალური ტიპის საზოგადოებიდან პარტნიორის გარიცხვის პროცედურა და საფუძვლები".
50 საპროექტო განაცხადიდან დასაფინანსებლად შეირჩა 38, რომელთა შორისაც მოხვდა ედიშერ გამგონეიშვილის პროექტი. კონკურსანტები შეფასდნენ საქართველოს განათლებისა და მეცნიერების მინისტრის 2015 წლის 5 ოქტომბრის №130/ნ ბრძანებით დამტკიცებული შეფასების კრიტერიუმების შესაბამისად.
კონკურსის მიზანია, მაგისტრანტების სამაგისტრო ნაშრომის ფარგლებში, რომლებიც მაგისტრატურის აკრედიტებულ საგანმანათლებლო პროგრამაზე სწავლობენ, სამეცნიერო კვლევების ხარისხის გაზრდის, აკადემიური დონის ამაღლებისა და კვლევითი უნარ-ჩვევების განვითარების ხელშეწყობა.
