მიღების წესი

კავკასიის მედიცინის სკოლის სამაგისტრო პროგრამაზე მიღების წინაპირობას წარმოადგენს:

• ბაკალავრის ან მასთან გათანაბრებული აკადემიური ხარისხი
• საერთო სამაგისტრო გამოცდის ჩაბარება
• კავკასიის მედიცინის სკოლის მიერ ორგანიზებული გასაუბრების წარმატებით გავლა
• პროგრამაზე სწავლის გასაგრძელებლად აუცილებელია ინგლისური ენის მინიმუმ B2 დონეზე ცოდნა, რაც დასტურდება დიპლომის დანართით ან წარმოდგენილი ენის სერტიფიკატით, ან შიდა საუნივერსიტეტო ტესტირებით

სწავლის საფასური და დაფინანსება:

CU გრანტი - 50%-იანი დაფინანსება

მაგისტრატურაზე სწავლის დაფინანსება შეგიძლიათ CU გრანტით, რომელიც სწავლის საფასურის 50%-ს ფარავს.

CU გრანტის მოპოვების ორი შესაძლებლობა არსებობს:

• თუ ხართ/იქნებით ნებისმიერი უნივერსიტეტის საბაკალავრო პროგრამის კურსდამთავრებული და გაქვთ ბაკალავრიატის ჯამური ქულათა საშუალო შეწონილი (GPA) 3,5 და მეტი;
• თუ საერთო სამაგისტრო გამოცდაზე დააგროვებთ შეჯამებული მაქსიმალური ქულის 65% და მეტს.

თუ ორი პირობიდან რომელიმეს აკმაყოფილებთ, შესაძლებლობა გექნებათ ჩაერთოთ საგრანტო კონკურსში და მოიპოვოთ 50%-იანი დაფინანსება.

CU გრანტის შენარჩუნების პირობები:

2 წლიანი სამაგისტრო პროგრამები

მეორე აკადემიურ წელს CU გრანტის შესანარჩუნებლად სტუდენტმა სწავლების პირველი წელი უნდა დაასრულოს ერთ აკადემიურ წელში და ჰქონდეს GPA 3.8 ან მეტი.