28 მაისს და 2 ივნისს, კავკასიის უნივერსიტეტში, ეკონომიკის სკოლის ასისტენტ პროფესორის მედეა ზურაბიშვილის ინიციატივით, ეკონომიკის სკოლაში ჩატარდა ორდღიანი ლექცია-ტრენინგი თემაზე - ბიზნესის საგადასახადო გარემო საქართველოში.

ლექციას წარუძღვა შემოსავლების სამსახურის მეთოდოლოგიის დეპარტამენტის გადამხდელთა განათლებისა და სერვისების მეთოდოლოგიის მთავარი სპეციალისტი  - თეა გორგოძე.

შეხვედრაზე განიხილეს შემდეგი საკითხები: 

• რა ფორმით შეიძლება საკუთარი საქმის დაწყება;
• რა გადასახადები არსებობს საქართველოში;
• რა შეღავათები მოქმედებს დამწყები ბიზნესებისთვის;
• როგორ აირჩიოთ სწორად დაბეგვრის რეჟიმი, რომ დაზოგოთ მეტი ფული.

აგრეთვე:

• სტუდენტებმა მიიღეს ინფორმაცია შემოსავლების სამსახურის სტრუქტურის შესახებ. მათ გაიგეს თუ როგორ ხორციელდება კომუნიკაცია გადამხდელთან მარტივად, შემოსავლების სამსახურის ვებგვერდისა rs.ge და ავტორიზებული მომხმარებლის გვერდის eservices@rs.ge  მეშვეობით.

ლექცია-ტრენინგმა ძალიან დიდი ინტერესი გამოიწვია სტუდენტებში. შეხვედრის ბოლოს გაიმართა დისკუსია კითხვა-პასუხის რეჟიმში.