დეკანის მიმართვა

კეთილი იყოს თქვენი მობრძანება კავკასიის ბიზნესის სკოლაში. ვიმედოვნებ, სწორედ ჩვენთან დაიწყება თქვენი წარმატებული კარიერა.

 

ყველა იმ რთული და ურიცხვი ეკონომიკური რისკისა და გამოწვევის ფონზე, რასაც დღევანდელ მსოფლიოში ყოველდღიურად ვაწყდებით, მე მჯერა, რომ თქვენი გადაწყვეტილება, დაიწყოთ „დიდი ბიზნესი ჩვენგან“, მართებულია. ბიზნესისა და ეკონომიკის თვალსაზრისით, ჩვენ ვიმყოფებით საკმაოდ ქაოსურ გარემოში, სადაც გადაულახავი წინააღმდეგობები ჯერ კიდევ არსებობს. ჩვენი სკოლა დაგეხმარებათ, მიიღოთ სრულფასოვანი განათლება, რათა მოძებნოთ საუკეთესო გამოსავალი არსებული პრობლემების გადასაჭრელად და შექმნათ წარმატებული კარიერა.

 

დღევანდელ მსოფლიოში, სადაც ცოდნა აუცილებელია, იმისთვის, რომ გახდე მსოფლიოს სრულფასოვანი წევრი, კავკასიის ბიზნესის სკოლა მაღალკვალიფიციური ლექტორებისა და დახვეწილი სასწავლო პროგრამის საშუალებით უზრუნველყოფს ყველა იმ საჭირო უნარ-ჩვევის განვითარებას, რაც 21-ე საუკუნეში სავალდებულოდაა მიჩნეული. ჩვენ მიგვაჩნია, რომ სრულფასოვანი განათლება, პროფესიონალიზმთან ერთად გულისხმობს  პიროვნული უნარ-ჩვევების განვითარებას, ხასიათის ჩამოყალიბებას, რადგან ეს აუცილებელი პირობაა პროდუქტიული სამუშაო განწყობის შესაქმნელად. მიზნის მიღწევაში გვეხმარება ჩვენი სკოლის ენთუზიაზმით აღსავსე პროფესორ-მასწავლებლები, სკოლის მმართველი ორგანო და თანამშრომლები. კავკასიის ბიზნესის სკოლა გაძლევთ შანსს მოისმინოთ მსოფლიოს სხვადასხვა უნივერსიტეტის მიერ აღიარებული პროფესორ-მასწავლებლების ლექციები. ჩვენი კურსდამთავრებულები ყოველდღიური საქმიანობით და მიღწევებით ამტკიცებენ, რომ კავკასიის ბიზნესის სკოლა ადგილია, სადაც მათ მიიღეს მაღალი დონის ბიზნეს-განათლება.

 

ჩვენ გთავაზობთ მრავალფეროვან საბაკალავრო, სამაგისტრო და სადოქტორო საგანმანათლებლო პროგრამებს. წარმატებულ სტუდენტებს საშუალებას ვაძლევთ, მონაწილეობა მიიღონ გაცვლით პროგრამებში და აირჩიონ მათთვის სასურველი უნივერსიტეტი მსოფლიოს 70 ქვეყნიდან. კავკასიის ბიზნესის სკოლა, ბაკალავრებსა და მაგისტრანტებს შანსს აძლევს, ისარგებლონ ორმაგი სასწავლო პროგრამით და გაიარონ ერთი წელი ჩვენს პარტნიორ უნივერსიტეტებში, როგორიცაა ISCTE, Portugal; Grenoble Ecole de Management, France; University of Chester, UK; Upper Austria University of Applied Science, Austria. ორმაგი პროგრამის კურსდამთავრებულები მიიღებენ შესაბამის ორ დიპლომს ბიზნესის ადმინისტრირებაში.

 

სამართლიანია ითქვას, რომ მსგავსი საგანმანათლებლო მონაცემების ფონზე ყველა მსხვილი კომპანია მოხარული იქნება, დაამყაროს თქვენთან საქმიანი ურთიერთობა.

 

იმისთვის, რომ დარწმუნდეთ თქვენი გადაწყვეტილების სამართლიანობაში, ჩვენ გთავაზობთ იყოთ გამორჩეულები, ითანამშრომლოთ ჩვენთან და შეიტანოთ პოზიტიური ცვლილებები თქვენს სტუდენტურ ცხოვრებაში. 

 

ბორის (ბუბა) ლეჟავა

კავკასიის ბიზნესის სკოლის დეკანი