გაცნობებთ, რომ ფრანგულ-ქართული უნივერსიტეტი, საქართველოს ფრანგულ ინსტიტუტთან თანამშრომლობით, აცხადებს კონკურსს ორთვიანი სტიპენდიის მისაღებად დოქტორანტურის საფეხურის იმ ქართველი სტუდენტებისთვის, რომლებიც სწავლობენ საქართველოს უმაღლეს საგანმანათლებლო ან სამეცნიერო-კვლევით დაწესებულებაში.
სტიპენდია მიზნად ისახავს საფრანგეთში კვლევითი პერიოდის დაფინანსებას, საფრანგეთის უმაღლესი საგანმანათლებლო და სამეცნიერო-კვლევით დაწესებულებებში.
დაფინანსება პროგრამის ფარგლებში: 2100 ევრო.
კონკურსანტებმა უნდა შეადგინონ დოსიე, რომელიც მოიცავს შემდეგ დოკუმენტებს:
- სათანადოდ შევსებული რეზიუმე და საკვლევი პროექტი (იხ. თანდართული დოკუმენტები)
- მოწვევის წერილი ფრანგული სამეცნიერო დაწესებულებიდან;
- პასპორტის ასლი (პასპორტი მოქმედი უნდა იყოს საფრანგეთში სასტიპენდიო პროგრამის დასრულების შემდგომ 6 თვის განმავლობაში).
ფრანგული ენის ცოდნა ჩაითვლება უპირატესობად.
დაინტერესებულმა პირებმა დოკუმენტები უნდა გაუგზავნონ ფრანგულ-ქართული უნივერსიტეტის კოორდინატორს, ევა ბერტრანს, შემდეგ ელექტრონულ მისამართზე: eva.bertrand@fgu.ge
განაცხადის მიღების საბოლოო ვადა: 25 ივნისი, 2023.
საბოლოო გადაწყვეტილება სტუდენტებს ეცნობებათ არაუგვიანეს 2023 წლის 5 ივლისისა. საფრანგეთში გამგზავრების პერიოდია 2023 წლის სექტემბრიდან 2023 წლის აპრილამდე შუალედში.
დამატებითი კითხვების შემთხვევაში გთხოვთ დაუკავშირდეთ ფრანგულ-ქართული უნივერსიტეტის კოორდინატორს შემდეგ ელექტრონულ მისამართზე: eva.bertrand@fgu.ge
გისურვებთ წარმატებას!