Erasmus + პროგრამაში მონაწილეობის მისაღებად სტუდენტი არ უნდა იყოს:

• ნებისმიერი დონის პირველი ან ბოლო კურსის სტუდენტი

შენიშვნა: შერჩევის პროცესში უპირატესობა მიენიჭება იმ სტუდენტებს, რომლებსაც ჯერ არ უსარგებლიათ Erasmus+ მობილობის პროგრამით.

საერთაშორისო გაცვლითმა სტუდენტებმა უნდა გამოაგზავნონ საჭირო დოკუმენტაცია (იხილეთ საჭირო დოკუმენტების ჩამონათვალში: როგორ ჩავაბარო?) ჩვენს ელექტრონულ ფოსტაზე: Ir@cu.edu.ge

შესაბამისი დოკუმენტების მიღების შემდეგ, კავკასიის უნივერსიტეტი აფასებს სტუდენტის აკადემიურ მოსწრებას და იღებს გადაწყვეტილებას.

გაითვალისწინეთ, რომ სტუდენტებს სჭირდებათ ვიზა, საქართველოში ცხოვრების ნებართვის მისაღებად (VISA-ის შესახებ დამატებითი ინფორმაციისთვის, გთხოვთ გადახვიდეთ ბმულზე). ასევე, სტუდენტს უნდა ჰქონდეს დაზღვევის პოლისი, რომელიც გაცემულია მათი ქვეყნის სადაზღვევო კომპანიების მიერ. დაზღვევამ უნდა აანაზღაუროს ყველა სამედიცინო მომსახურება და საქართველოში უნდა იყოს მოქმედი.

სასწავლო წელი 

კავკასიის უნივერსიტეტის სასწავლო წელი ორი სემესტრისგან შედგება:

შემოდგომის (სექტემბერი-იანვარი) და გაზაფხულის (თებერვალი-ივლისის შუა რიცხვები) სემესტრები.

კრედიტის აღიარება

სემესტრის დასრულების შემდეგ, კავკასიის უნივერსიტეტში სწავლის დროს მიღებული კრედიტები და ნიშნები იგზავნება სტუდენტების უნივერსიტეტებში. 

რეგისტრაცია

სტუდენტს/ პროგრამის კოორდინატორს ეგზავნებათ საგნების ცხრილი რეგისტრაციისათვის, სანამ სემესტრი დაიწყება. ისინი არჩევენ სასურველ საგნებს და აგზავნიან კავკასიის უნივერსიტეტის საერთაშორისო ურთიერთობებისა და პროექტების დეპარტამენტთან მოცემულ ვადაში.

სწავლების ენა

საგნები კავკასიის უნივერსიტეტში ისწავლება ინგლისურ ენაზე.

კურსის დატვირთვა

სტუდენტებს შეუძლიათ მიიღონ მაქსიმუმ 30 ECTS კრედიტი სემესტრის განმავლობაში. კრედიტების მინიმალური რაოდენობა არ არის მოთხოვნილი.

გაცვლითმა სტუდენტებმა პარტნიორი უნივერსიტეტებიდან უნდა წარადგინონ შემდეგი დოკუმენტები ინგლისურ ენაზე ელექტრონულ ფოსტაზე: ir@cu.edu.ge

• ოფიციალური ნომინაციის წერილი უნივერსიტეტისგან
• შევსებული CU სააპლიკაციო ფორმა
• პროგრამული შესაბამისობის ფორმა (შერჩეული კურსების ჩათვლით)
• ენის ცოდნის დამადასტურებელი  სერტიფიკატი B2 დონე - IELTS (6.0), TOEFL -ის ქულა (78)
• ნიშნების ფურცელი
• პასპორტის ასლი
• შევსებული EUROPASS CV-ის ფორმა

შემოდგომის სემესტრი (სექტემბერი - იანვარი): 20 მაისი

გაზაფხულის სემესტრი (თებერვალი - ივლისის შუა რიცხვები): 20 ოქტომბერი

კავკასიის უნივერსიტეტის შესარჩევი კომისია, მისაღები კანდიდატების შეფასებას მოახდენს და  დაადგენს გრანტოსან კანდიდატთა საბოლოო სიას. შეფასებისას გათვალისწინებულია ინგლისური ენის ცოდნა.

სტუდენტები, რომლებიც შერჩევის შემდგომ მოხვდებიან სარეზერვო სიაში, ელ.ფოსტის საშუალებით შეიტყობენ მათი აპლიკაციის სტატუსის შესახებ. ვაკანტური ადგილების შევსება მოხდება სარეზერვო სიაში მყოფი კანდიდატებით, რომელთაც ასევე მსგავსი მახასიათებელი თვისებები გააჩნიათ.

კავკასიის უნივერსიტეტი იძლევა  პროცესის გამჭირვალობისა და აპლიკანტთა თანაბარ პირობებში შერჩევის გარანტიას.

• შემოთავაზებული საგნები 2024 შემოდგომის სემესტრი
• შემოთავაზებული საგნები 2024 გაზაფხულის სემესტრი
• შემოთავაზებული საგნები 2023 შემოდგომის სემესტრისთვის
• შემოთავაზებული საგნები 2022-2023 აკადემიური წლისთვის

კეთილი იყოს თქვენი მობრძანება 

მას შემდეგ რაც თქვენ კავკასიის უნივერსიტეტში ჩაირიცხებით „ერაზმუს+“ ის სტუდენტის სტატუსით, ეს იმას ნიშნავს რომ საქართველოში მოდიხართ. ამის გათვალისწინებით, აუცილებელია იცოდეთ რამდენიმე სასარგებლო ინფორმაცია საქართველოში ცხოვრებისა და სწავლის შესახებ.

ფაქტები საქართველოს შესახებ:

დედაქალაქი - თბილისი

მთავრობა - საპარლამენტო რესპუბლიკა

ვალუტა - ქართული ლარი (GEL)

ფართობი - 69,700 კმ²

მოსახლეობა - 4,677,401

ოფიციალური ენა - ქართული

რელიგია - მართლმადიდებლური 83.9%, კათოლიკური 1.2%, მუსლიმი 9,9%, სხვა 0.8%, არცერთი 0.7%.

ქვეყნის კოდი - +995

დროის ზონა - UTC +4

საქართველო მდებარეობს სტრატეგიულად მნიშვნელოვან გზაჯვარედინზე, სადაც ევროპა ხვდება აზიას. საქართველოს აქვს უნიკალური და უძველესი კულტურული მემკვიდრეობა და ცნობილია სტუმართმოყვარეობითა და გასტრონომიული ტრადიციებით. საქართველო წარმოადგენს პეიზაჟებისა და კლიმატების ღირსშესანიშნავ ნაზავს, მაღალმთიანი მწვერვალებიდან დაწყებული, მევენახეობის ხეობებსა და შავი ზღვის აყვავებული კურორტებით დამთავრებული. საქართველო არის განვითარებადი, მაგრამ სწრაფად გაუმჯობესებადი ქვეყანა, როგორც დანაშაულის, ასევე კორუფციის ძალიან დაბალი დონით. დედაქალაქი და უდიდესი ქალაქი, არის თბილისი. თბილისი ცნობილია თავისი ძველი ქალაქის მრავალფეროვანი არქიტექტურითა და ლაბირინთის მსგავსი ქვაფენილი ქუჩებით. 

საერთაშორისო სტუდენტთა სახელმძღვანელო.

2024-2025 წლის სასწავლო კალენდარი

გაცვლითი სტუდენტების შეფასების სისტემა 

კავკასიის უნივერსიტეტის გაცვლითი სტუდენტებისთვის შეფასების სისტემა იყოფა ორ ნაწილად - შუალედური შეფასება და საბოლოო შეფასება.

ერთი კურსის საერთო ქულა არის 100. 100 ქულა იყოფა ორ ნაწილად:

შუალედური შეფასება –70 ქულა

საბოლოო შეფასება - 30 ქულა  

შუალედური შეფასება არის 70 ქულა (რომელშიც შედის - შუალედური გამოცდა, პრეზენტაციები, ტესტები, ჯგუფური სამუშაო და ა.შ.) შუალედური შეფასება ხორციელდება საბოლოო გამოცდის დაწყებამდე).

საბოლოო შეფასება არის 30 ქულა (რომელშიც შედის დასკვნითი გამოცდა). 

სტუდენტებმა უნდა გადალახონ 51% -იანი ბარიერი ორივე ნაწილში:

შუალედური შეფასება - 70 ქულიდან 51% (35.7ქულა)

საბოლოო შეფასება - 30 ქულიდან 51% (15.3 ქულა)

იმისათვის, რომ სტუდენტი დაშვებული იყოს დასკვნით გამოცდაზე, სავალდებულოა შუალედური შეფასების 70 ქულიდან 51% დაგროვება.

იმისათვის, რომ სტუდენტებმა ჩააბარონ საბოლოო გამოცდა და მოიპოვონ ECTS, სავალდებულოა დასკვნით გამოცდაში 30 ქულიდან 51%-ის დაგროვება.

შენიშვნა: თუ სტუდენტს არ შეუძლია დააგროვოს მინიმალური ქულა დასკვნით გამოცდაზე და დაგროვებული აქვს საერთო მინიმალური ქულა, 41, შუალედური შეფასების პერიოდში (შუალედური გამოცდა, პრეზენტაციები, გამოცდები, ჯგუფური სამუშაოები და ა.შ.). შეუძლია ფინალური გამოცდის გადაბარება მხოლოდ ერთხელ.

ანი თავართქილაძე

ტელ.: (+995 32) 237 77 77 (240)

ელ.ფოსტა: atavartkiladze@cu.edu.ge