გაცნობებთ, რომ ტულუზას უნივერსიტეტი, საფრანგეთი (University of Toulouse, France), გიწვევთ მოკლევადიან საზაფხულო პროგრამაში მონაწილეობის მისაღებად (30 ივნისი - 11 ივლისი, 2025).

პროგრამის ფარგლებში მონაწილეები დაესწრებიან ფრანგული ენის 2 კვირიან ინტენსიურ კურსს და ექნებათ შესაძლებლობა მიიღონ მეტი ინფორმაცია ფრანგული კულტურის შესახებ. მონაწილეობა შეუძლიათ დაინტერესებულ პირებს, რომლებიც ფრანგულ ენას ფლობენ მინიმუმ A2 დონეზე.

პროგრამა მოიცავს შემდეგს და არა მხოლოდ:

• ფრანგული ენის ინტენსიური კურსი (30 საათი);
• კულტურული აქტივობები (10 საათი);
• ლანჩი ლექციებს შორის;
• გასვლითი ექსკურსიები.

2 კვირიანი კურსის ღირებულება შეადგენს 970 ევროს, რომელიც ფარავს საცხოვრებელში განთავსებისა და ქალაქში გადაადგილების ხარჯებს. ღირებულება არ მოიცავს მგზავრობისა და დაზღვევის ხარჯებს.

დაინტერესებულმა პირებმა რეგისტრაციისთვის და დამატებითი შეკითხვების შემთხვევაში, გთხოვთ მიმართოთ ტულუზას უნივერსიტეტის საზაფხულო პროგრამის ადმინისტრაციას შემდეგ ელექტრონულ მისამართზე - short.programs@univ-toulouse.fr

დაინტერესებულ პირებს რეგისტრაციის გავლის შემდეგ გაეგზავნებათ ფრანგული ენის დონის განმსაზღვრელი ტესტი (placement test), რომლის შედეგების მიხედვითაც გადანაწილდებიან შესაბამის ჯგუფებში.

რეგისტრაციის ბოლო ვადა: 15 აპრილი, 2025.

გისურვებთ წარმატებას!