სამაგისტრო პროგრამაზე დაშვების წინაპირობები:

• არანაკლებ ბაკალავრის ან მასთან გათანაბრებული აკადემიური ხარისხი;
• ერთიანი ეროვნული სამაგისტრო გამოცდების ჩაბარება;
• კავკასიის უნივერსიტეტის/სამაგისტრო მისაღები გამოცდის წარმატებით გავლა, რომელიც მოიცავს ინგლისური ენის გააზრებისა და წერის კომპონენტებს B2 დონის შესაბამისად, ასევე ზოგად ლოგიკურ კითხვებს;
• აპლიკანტი შესაძლოა გათავისუფლდეს ინგლისური ენის კომპონენტის ჩაბარებისგან, თუ არსებობს B2 დონეზე ენის ცოდნის დამადასტურებელი საერთაშორისო სერთიფიკატი (TOEFL-78; IELTS-6.0
• სამაგისტროს მიმღებ კომისიასთან გასაუბრების წარმატებით გავლა.

წარმოსადგენი დოკუმენტაცია:

• ნოტარიულად დამოწმებული დიპლომის ასლი + ნიშნების ფურცელი
• პირადობის დამადასტურებელი მოწმობის ასლი
• სამხედრო ბილეთი (ვაჟებისათვის)
• 2 ფოტოსურათი 3X4 +CD
• სამოტივაციო წერილი (არაუმეტეს 500 სიტყვისა)
• 2 რეკომენდაცია
• შევსებული აპლიკაციის ფორმა 

მნიშვნელოვანი თარიღები:

• საბუთების მიღება: 2 სექტემბერის ჩათვლით, 19:00, ოთახი A2;
• მისაღები და საგრანტო ტესტირება: 4 სექტემბერი, 2026;
• მიმღებ კომისიასთან აპლიკანტის გასაუბრება: 9 სექტემბერი, 2026.

სწავლის საფასური და დაფინანსება:

CU გრანტი - 50%-იანი დაფინანსება

მაგისტრატურაზე სწავლის დაფინანსება შეგიძლიათ CU გრანტით, რომელიც სწავლის საფასურის 50%-ს ფარავს.

CU გრანტის მოპოვების ორი შესაძლებლობა არსებობს:

• თუ ხართ/იქნებით ნებისმიერი უნივერსიტეტის საბაკალავრო პროგრამის კურსდამთავრებული და გაქვთ ბაკალავრიატის ჯამური ქულათა საშუალო შეწონილი (GPA) 3,5 და მეტი;
• თუ საერთო სამაგისტრო გამოცდაზე დააგროვებთ შეჯამებული მაქსიმალური ქულის 65% და მეტს.

თუ ორი პირობიდან რომელიმეს აკმაყოფილებთ, შესაძლებლობა გექნებათ ჩაერთოთ საგრანტო კონკურსში და მოიპოვოთ 50%-იანი დაფინანსება.

CU გრანტის შენარჩუნების პირობები

1+1 მოდელის სამაგისტრო პროგრამები

• CU გრანტის შესანარჩუნებლად სტუდენტმა პროგრამის პირველი ნაწილი (ნაწილი 1) უნდა დაასრულოს ერთ აკადემიურ წელში.
• პროგრამის მეორე ნაწილზე (ნაწილი 2) სწავლის გაგრძელების შემთხვევაში, გრანტი შენარჩუნდება, თუ სტუდენტი სწავლას გააგრძელებს უწყვეტ რეჟიმში და პირველი ნაწილის (ნაწილი 1) GPA იქნება 3.8 ან მეტი. 
• სტუდენტებს, რომლებიც პროგრამის პირველ ნაწილზე (ნაწილი 1) CU გრანტით არ სარგებლობდნენ, პროგრამის მეორე ნაწილზე (ნაწილი 2) 50%-იანი CU გრანტის მიღების შესაძლებლობა ექნებათ, თუ ნაწილი 1-ს ერთ აკადემიურ წელში დაასრულებენ და მათი GPA იქნება 3.8 ან მეტი.