მენიუ

მენეჯმენტის სამაგისტრო პროგრამა

პროგრამის ხანგრძლივობა: 2 წელი სრული განაკვეთი

 

სპეციალობა: მენეჯმენტი
სწავლების ენა: ქართული
მისანიჭებელი ხარისხი: მენეჯმენტის მაგისტრი 

 
მეცნიერების მაგისტრის საგანმანათლებლო პროგრამა არის დასავლურ ფასეულობებზე და ცოდნაზე დაყრდნობილი, პროფესიული სამეცნიერო კურსი, რომლის ძირითადი მიზანია, სტუდენტს გაუღრმავოს დარგის თეორიული ცოდნა და დაუხვეწოს თეორიის პრაქტიკაში გამოყენების ეფექტური გზები, რაც მნიშვნელოვანია დღევანდელი გლობალიზაციისა და კონკურენციის პირობების გათვალისწინებით. მეცნიერების სამაგისტრო პროგრამაში ძირითადი აქცენტი გაკეთებულია კომპანიისა და მისი ცალკეული ფუნქციური არეების მართვის კონცეფციების გააზრებასა და შესწავლაზე, ამავდროულად მათ პრაქტიკაში გამოყენებაში, ისე რომ დაცული იყოს სოციალური პასუხისმგებლობის საკითხები.

დღევანდელ ბიზნეს გარემოში, როდესაც გლობალიზაციისა და კონკურენტუნარიანობის ნამდვილი ბუმია, შესაბამისი უმაღლესი და მრავალმხრივი ცოდნა წარმოადგენს ყველაზე მნიშვნელოვან ფასეულობას და ერთგვარი გარანტიაა წარმატებისკენ მიმავალ გზაზე. კავკასიის ბიზნესის სკოლის მეცნიერების სამაგისტრო პროგრამა - მენეჯმენტში, არის ერთ-ერთი ასეთი საშუალება შესაბამისი კარიერული წინსვლისათვის. პროგრამის წარმატებით დამთავრების შემთხვევაში კურსდამთავრებულს ეძლევა მენეჯერული პოზიციების დაკავების შესაძლებლობა, როგორც სახელმწიფო, ასევე კერძო მიმართულებით მოღვაწე ორგანიზაციებში.

პროგრამის მიზნობრივი სეგმენტია, ნებისმიერი სპეციალობის საბაკალავრო დონის ან მასთან გათანაბრებული დიპლომირებული სპეციალისტი, რომელსაც გააჩნია მოტივაცია დაეუფლოს მენეჯმენტის სპეციალობას და სიღრმისეულად შეისწავლოს ის პოლიტიკური, სოციოლოგიური თუ ეკონომიკური ასპექტები, რისი გათვალისწინებითაც უწევთ ოპერირება თანამედროვე ორგანიზაციებსა და კომპანიებს.

კავკასიის ბიზნენის სკოლის ლექტორებისა და პროფესორების აბსოლუტურ უმრავლესობას, განათლება მიღებული აქვს ა.შ.შ-სა და ევროპის წამყვანი უნივერსიტეტების ბაზაზე, რაც თავის მხრივ წარმოადგენს თანამედროვე უმაღლესი განათლების მიღების შესაძლებლობას.

 

მეცნიერების სამაგისტრო პროგრამა მენეჯმენტში მოიცავს 120 ECTS კრედიტს. პროგრამა შედგება სამი კომპონენტისგან: 85 ECTS კრედიტი ეთმობა სავალდებულო სასწვალო კურსების კომპონენტს, 5 ECTS კრედიტი არჩევით სასაწვლო კურსს და 30 ECTS კრედიტი სამაგისტრო ნაშრომს/პროექტს.

 

დეტალური ინფორმაციისთვის იხილეთ: მეცნიერების სამაგისტრო პროგრამა მენეჯმენტში კატალოგი

 

იხილეთ პროგრამა

მიღების წესი

კავკასიის ბიზნესის სკოლის სამაგისტრო პროგრამაზე მიღების წინაპირობას წარმოადგენს:
 
  • ბაკალავრის ან მასთან გათანაბრებული აკადემიური ხარისხის დამადასტურებელი დიპლომი
  • საერთო სამაგისტრო გამოცდის  წარმატებით ჩაბარება
  • კავკასიის უნივერსიტეტის კავკასიის ბიზნესის სკოლის სპეციალობასთან რელევანტური მისაღები გამოცდის წარმატებით გავლა (მოიცავს ინგლისურის გააზრებისა და წერის კომპონენტებს B2 დონის შესაბამისად და ზოგად ლოგიკურ და რაოდენობრივი მსჯელობის კითხვებს; ინდივიდი შეიძლება განთავისუფლდეს მოცემული პირობისაგან, იმ შემთხვევაში თუ არსებობს ენის ცოდნის დამადასტურებელი დოკუმენტი (ინგლისური ენის ცოდნის დასადასტურებლად მიიღება შემდეგი დოკუმენტები: TOEFL, IELTS, Cambridge Certificates, ან სხვა ეკვივალენტური ოფიციალური დოკუმენტაცია.)); იხილეთ გამოცდის ნიმუში
  • კავკასიის უნივერსიტეტის, კავკასიის ბიზნესის სკოლის სამაგისტრო მიმღებ კომისიასთან გასაუბრების წარმატებით გავლა.

 

წარმოსადგენი დოკუმენტაცია:

 

 

  • 2 სარეკომენდაციო წერილი
  • CV/რეზიუმე
  • სამოტივაციო წერილი
  • ბაკალავრის ან მასთან გათანაბრებული ხარისხის დიპლომის ნოტარიული ასლი ან ცნობა ხარისხის მინიჭების შესახებ თარიღისა და ბრძანების ნომრის მითითებით
  • სამხედრო მიწერილობის ასლი (ვაჟებისათვის)
  • პირადობის ასლი
  • NAEC-ის ბარათი
  • 2 ფოტოსურათი + CD
  • შევსებული ფორმა 1 (პირადი მონაცემების შესახებ)
  • ონლაინ რეგისტრაციის ფორმა

 

 

თარიღები:

 

  • საბუთების მიღება: 2024 წლის 4 სექტემბერის ჩათვლით, 10:00-18:00 საათამდე, ოთახი A2;
  • CSB-ის მისაღები და საგრანტო ტესტირება: 6 სექტემბერი;
  • CSB-ის მიმღებ კომისიასთან აპლიკანტის გასაუბრება: 7 და 9 სექტემბერი.

 


გადახდის პირობები



სწავლის საფასურის გადახდა ხდება სემესტრულად, აღებული კრედიტების შესაბამისად

 

მაგისტრატურაში სწავლის დაფინანსება სახელმწიფო გრანტთან ერთად შეგიძლიათ CU გრანტით, რომელიც გულისხმობს 50%-იან დაფინანსებას პროგრამის სრულ ღირებულებაზე.

 

CU გრანტის მოპოვების ორი შესაძლებლობა არსებობს:

 

  • თუ ხართ/იქნებით ნებისმიერი უნივერსიტეტის საბაკალავრო პროგრამის კურსდამთავრებული და გაქვთ ბაკალავრიატის ჯამურ ქულათა საშუალო შეწონილი (GPA) 3,5 და მეტი
  • თუ საერთო სამაგისტრო გამოცდაზე  დააგროვებთ მაქსიმალური საგრანტო ქულის 65% და მეტს 
     

თუ ორი პირობიდან რომელიმეს აკმაყოფილებთ შესაძლებლობა გექნებათ ჩაერთოთ საგრანტო კონკურსში და მოიპოვოთ დაფინანსება.

 
 
სამაგისტრო პროგრამაზე სწავლის წლიური ღირებულება შეადგენს:
 
CU სტანდარტული გადასახადი CU გრანტის მოპოვებისას CU და სახელმწიფო გრანტის მოპოვებისას
5 950 ლარი 2 975 ლარი  1 850 ლარი 
იმ შემთხვევაში თუ კავკასიის უნივერსიტეტის კურსდამთავრებულს არ აქვს GPA (3,5 და მეტი), ის მიიღებს სრული პროგრამის 10%-იან დაფინანსებას.

მარიამ აბესაძე

სამაგისტრო საგანმანათლებლო პროგრამების ადმინისტრაციული დირექტორი

ტელ: (+995 32) 237 77 77 (284)

მობ: 598 500 146

ელ.ფოსტა: mabesadze@cu.edu.ge

ოთახი: B26