სტრატეგიული საჯარო მმართველობის სამაგისტრო საგანმანათლებლო პროგრამა მოიცავს 120 ECTS კრედიტს, წელიწადში – 60 ECTS კრედიტს, სემესტრში – 30 ECTS კრედიტს. შესაბამისად, სამაგისტრო პროგრამის სავარაუდო ხანგრძლივობა შეადგენს 2 წელს (დასაშვები ხანგრძლივობაა 5 აკადემიური წელი). სტრატეგიული საჯარო მმართველობის სამაგისტრო საგანმანათლებლო პროგრამის ხანგრძლივობის ამოწურვის შემდეგ აკადემიური დავალიანების მქონე სტუდენტს უფლება აქვს საგანმანათლებლო პროგრამის დასრულების მიზნით სწავლა განაგრძოს დამატებითი სემესტრების (არა უმეტეს 3 აკადემიური წლისა) განმავლობაში, სტუდენტის სტატუსის შენარჩუნებით.

იხილეთ პროგრამა

მიღების წესი

კავკასიის სახელმწიფო მართვის სკოლის სამაგისტრო პროგრამაზე მიღების წინაპირობაა:

1. ბაკალავრის ხარისხი
2. საერთო სამაგისტრო გამოცდის  ჩაბარება
3. B2 დონის ინგლისური ენის ცოდნის დადასტურება
4. ონლაინ რეგისტრაცია
5. შიდა სასკოლო გასაუბრება 

წარმოსადგენი დოკუმენტაცია

• დიპლომის ნოტარიულად დამოწმებული ასლი
• ნიშნების ფურცელი
• რეზიუმე
• 2 ცალი პასპორტის ფოტოსურათი (იგივე ჩაწერილი CD-ზე)
• პირადობის მოწმობის ასლი
• სამხედრო მიწერის მოწმობის ასლი (მამაკაცებისთვის)
• ერთიანი ეროვნული გამოცდების ბარათი
• სამოტივაციო წერილი

პროგრამაზე ჩარიცხვის ერთ-ერთი წინაპირობაა ინგლისური ენის B2 დონეზე ცოდნა. ამისათვის, აპლიკანტმა უნდა წარმოადგინოს:

• ინგლისური ენის B2 დონის დამადასტურებელი სერტიფიკატი
• ან ამ ცოდნის დადასტურება უნდა შეძლოს დიპლომის დანართით
• ან გაიაროს ინგლისურ ენაში შიდა საუნივერსიტეტო ტესტირება
• აპლიკანტები, რომლებსაც დასრულებული აქვთ ინგლისურენოვანი საბაკალავრო ან/და სამაგისტრო პროგრამები, თავისუფლდებიან აღნიშნული სერტიფიკატის და ინგლისურ ენაში შიდასაუნივერსიტეტო გასაუბრება/ტესტირების ვალდებულებისაგან

საბუთების შემოწმების ეტაპის შემდგომ აპლიკანტები გაივლიან გასაუბრებას მიმღებ კომისიასთან, რომლის ფარგლებშიც დგინდება  საჯარო მმართველობის დარგის შესახებ აპლიკანტის საბაზისო ცოდნა და უმაღლესი განათლების შემდგომ საფეხურზე სწავლის გაგრძელების მოტივაცია.  აპლიკანტი ფასდება 100 ქულიდან, რომელშიც 60 ქულას წარმოადგენს ერთიანი სამაგისტრო გამოცდის A ტესტის შედეგები, ხოლო 40 ქულა წარმოადგენს მიმღებ კომისიასთან გასაუბრების შედეგს (20 ქულით ფასდება სპეციალობის ცოდნა, ხოლო 20 ქულით აპლიკანტის პრეზენტაბელურობა და სწავლის გაგრძელების მოტივაცია/უნარი).  

პროგრამაზე სტუდენტის მობილობით გადმოსვლის შემთხვევაში, საკითხს შეისწავლის პროგრამის დირექტორი და სკოლის დეკანი ზემოთ დათქმული პირობების გათვალისწინებით. გადაწყვეტილება სტუდენტის მობილობის შესახებ ფორმდება უნივერსიტეტის პრეზიდენტის ერთიანი ბრძანებით.

თარიღები:

• საბუთების მიღების ბოლო ვადა - 1 აგვისტო - 3 სექტემბერი, 10:00-18:00 საათამდე, ოთახი A2;
• გამოცდა ინგლისურ ენაში (საჭიროების შემთხვევაში) - 5 სექტემბერი;
• CU გრანტის მოპოვების მსურველთათვის გამოცდა სპეციალობაში - 6 სექტემბერი;
• გასაუბრება შერჩეულ კანდიდატებთან - 10 სექტემბერი;
• საბუთების წარდგენამდე გთხოვთ გაიაროთ 1 წუთიანი ონლაინ რეგისტრაცია. 

სწავლების საფასური: პროგრამის სრული ღირებულებაა 9,900 ლარი

გადახდის პირობები

საფასურის გადახდა ხდება სემესტრულად, აღებული კრედიტების შესაბამისად

CU გრანტი

მაგისტრატურაში სწავლის დაფინანსება სახელმწიფო გრანტთან ერთად შეგიძლიათ CU გრანტით, რომელიც გულისხმობს 50%-იან დაფინანსებას პროგრამის სრულ ღირებულებაზე.

CU გრანტის მოპოვების ორი შესაძლებლობა არსებობს:

• თუ ხართ/იქნებით ნებისმიერი უნივერსიტეტის საბაკალავრო პროგრამის კურსდამთავრებული და გაქვთ ბაკალავრიატის ჯამურ ქულათა საშუალო შეწონილი (GPA) 3,5 და მეტი
•  თუ საერთო სამაგისტრო გამოცდაზე  დააგროვებთ მაქსიმალური საგრანტო ქულის  65% და მეტს

თუ ორი პირობიდან რომელიმეს აკმაყოფილებთ შესაძლებლობა გექნებათ ჩაერთოთ საგრანტო კონკურსში და მოიპოვოთ დაფინანსება.

შიდა საგრანტო გამოცდა შედგება 15 ტესტური კითხვისგან და 3 მოკლე ესეს ტიპის კითხვისგან. ტესტური კითხვები ამოწმებს კანდიდატის უცხო ტექსტის ანალიზის უნარს და მარტივი რიცხობრივი მონაცემების ინტერპრეტაციის უნარს. ესეს ტიპის კითხვები ამოწმებს არგუმენტაციის უნარსა და სასურველი სპეციალობის შესახებ ზოგად ცოდნას.

სამაგისტრო პროგრამაზე სწავლის წლიური ღირებულება შეადგენს:

იმ შემთხვევაში თუ კავკასიის უნივერსიტეტის კურსდამთავრებულს არ აქვს GPA (3,5 და მეტი), ის მიიღებს სრული პროგრამის ღირებულების 10%-იან დაფინანსებას.

ეკა აკობია

დეკანი
ტელ: (+995 32) 237 77 77 (250)

მობ: 595 33 33 16
ელ.ფოსტა: eakobia@cu.edu.ge

ციცო ჩუბინიძე

სამაგისტრო და სადოქტორო პროგრამების ადმინისტრაციული დირექტორი

მშვიდობის კვლევების ინსტიტუტის მენეჯერი

ტელ: (+995 32) 237 77 77 (471)

მობ: 577 399 836

ელ. ფოსტა:  tschubinidze@cu.edu.ge

ოთახი: D33

მარიამ გიოშვილი

სამაგისტრო და სადოქტორო პროგრამების აკადემიური მენეჯერი

ტელ: (+995 32) 237 77 77 (105)

მობ: 577324613 

ელ.ფოსტა: mgioshvili@cu.edu.ge 

ოთახი: A2