25 აპრილს, 13:00 საათზე, კავკასიის ტრენინგ ცენტრის (არაბთა გაერთიანებულ საამიროებში) და კავკასიის უნივერსიტეტის ორგანიზებით გაიმართება უფასო ვებინარი. შეხვედრას გაუძღვება მსოფლიოს ერთ-ერთი ყველაზე დიდი ტექნოლოგიური კომპანიის  Amazon-ის წარმომადგენელი.

კომპანიაში დასაქმებულია 1.5 მილიონზე მეტი თანამშრომელი, ხოლო AWS უზრუნველყოფს cloud ინფრასტრუქტურას მილიონობით ორგანიზაციისთვის მსოფლიოს 190-ზე მეტ ქვეყანაში. AWS ქმნის თანამედროვე ტექნოლოგიურ სისტემებს ხელოვნური ინტელექტის (AI), მონაცემთა დამუშავებისა და მასშტაბური ციფრული სერვისების მიმართულებით.

ვებინარის ძირითადი თემები:

• როგორ იყენებს Amazon ხელოვნურ ინტელექტს მომხმარებლის გამოცდილების გასაუმჯობესებლად.
• AI-ის გამოყენების პრაქტიკული მაგალითები.
• როგორ შეუძლიათ კომპანიებს ხელოვნური ინტელექტის გამოყენება ბიზნესის ზრდისთვის.
• მომავლის ტენდენციები AI-ზე ორიენტირებულ ორგანიზაციებში.

სპიკერი (Amazon Web Services): დაზ აქბაროვი - Solutions Architect, AWS. აქვს მრავალწლიანი გამოცდილება პროგრამული უზრუნველყოფის ინჟინერიაში სხვადასხვა ინდუსტრიაში.

ვებინარის ენა: ინგლისური.

ვებინარში მონაწილეობის მსურველები გთხოვთ, დარეგისტრირდეთ მითითებულ ბმულზე.