3 სექტემბერს, 15:00 საათზე, ახალციხეში, სამცხე-ჯავახეთის სახელმწიფო უნივერსიტეტში, კავკასიის უნივერსიტეტის ინოვაციების და მეწარმეობის ცენტრი, საქართველოს ინოვაციების და ტექნოლოგიების სააგენტოს (GITA) ინიციატივითა და მხარდაჭერით გამართავს სამცხე-ჯავახეთის პრე-აქსელერაციის პროგრამის დასკვნით ღონისძიებას, დემო დღეს.
პრე-აქსელერატორის მთავარი მიზანი სამცხე-ჯავახეთის რეგიონში მცხოვრები სტარტაპერებისა და მეწარმეების დახმარებაა საკუთარი ბიზნეს იდეების განვითარებაში, იდეიდან და პროდუქტიდან დაწყებული, GITA- ს 25 000 ლარიანი რეგიონალური საგრანტო პროექტის წარდგენით დამთავრებული.
პროგრამაში ტრენერების სახით ჩართულები იყვნენ სტარტაპ ეკოსისტემის აქტიური წარმომადგენლები, რომლებმაც პროგრამის მონაწილეებს 7 კვრიანი ინტენსიური ტრენინგების მეშვეობით საკუთარი ცოდნა და გამოცდილება გაუზიარეს.
პრე-აქსელერაციის პროგრამის ტრენერები:
ირაკლი სვანიძე - კავკასიის უნივერსიტეტის ინოვაციების და მეწარმეობის ცენტრის მენეჯერი, CU - ს მოწვეული ლექტორი
სანდრო კანდელაკი - Student Hunt -ის თანადამფუძნებელი
ნიკოლოზ გოგოჭური - VRex - ის თანადამფუძნებელი და აღმასრულებელი დირექტორი
გიორგი რაზმაძე - Awork – ის თანადამფუძნებელი და აღმასრულებელი დირექტორი
დემო დღის ფარგლებში პროგრამის მონაწილე სტარტაპები წარმოადგენენ საკუთარი იდეების პრეზენტაციებს ინდუსტრიის ექსპერტების, ჟიურისა და დამსწრე აუდიტორიის წინაშე.
ღონისძიების დასასრულს, ჟიურის წევრები შეაფასებენ გუნდებს და გამოვლენენ 2 რჩეულ სტარტაპს.
ჟიურის წევრები:
ანა მაისურაძე - საქართველოს ინოვაციების და ტექნოლოგიების სააგენტოს პროექტების მენეჯერი.
გაბრიელ მელივა - Printomato - ს თანადამფუძნებელი, სტარტაპ მენტორი.
ალექსანდრე ცინცაძე - Kovzy.com - ის დამფუძნებელი.
ღონისძიებაზე დასწრება თავისუფალია ყველა მსურველისთვის.