სეზონური სკოლა, რომელიც სპეციალიზირებულია GDPR-სა და მონაცემთა დაცვაზე, შეიქმნება ევროკავშირის საუკეთესო პრაქტიკის საფუძველზე. პროგრამა შემუშავებულია ისე, რომ მოკლე პერიოდში (25 აკადემიური საათი) ბენეფიციარი მიიღებს საბაზისო ცოდნას და შესაძლებლობას შეცვალოს და გააძლიეროს თავისი ბიზნესი/პროექტი მონაცემთა დაცვისა და GDPR-ის სფეროში.
პროექტის ფარგლებში შეირჩევა კიბერუსაფრთხოებით, მონაცემთა დაცვისა და GDPR- ით დაინტერესებული მონაწილეები. Data Sec School-ში სწავლის საშუალება ექნებათ ყველაზე მოტივირებულ კანდიდატებს. ლექციები ჩატარდება ჰიბრიდულ ფორმატში (ოფლაინ და ონლაინ).
შერჩევის პროცესი ჩატარდება ორ ეტაპად: სააპლიკაციო ფორმის შევსება და გასაუბრება ორგანიზატორებთან. კანდიდატებმა უნდა შეავსონ ქვემოთ მოცემული სააპლიკაციო ფორმა. კომისია განცხადებას განიხილავს მხოლოდ იმ შემთხვევაში, თუ მას თანდართული ექნება სამოტივაციო წერილი. განაცხადის განხილვის შემდეგ, პასუხს მიიღებთ ელექტრონული ფოსტით.
- დაწყების თარიღი: 8 აპრილი, 2025
- ვადები: აპრილი-მაისი, 2025
- მონაწილეთა რაოდენობა: 20-25
- რეგისტრაციის ფორმა.