კავკასიის სახელმწიფო მართვის სკოლამ (CSG) მონაწილეობა მიიღო ევროკავშირის მიერ დაფინანსებულ პროექტში EDUPART, რაც მოიცავდა საჯარო პოლიტიკასა და ადმინისტრირებაში დისტანციური სწავლების სამი კურსის ჩატარებას  DSL Moodle-ის საშუალებით:

1. საჯარო მმართველობა, მოწვ. პროფ. ნინო დოლიძე
2. ცენტრალური და აღმოსავლეთ ევროპის ევროპეიზაცია, მოწვ. პროფ. სერგი კაპანაძე
3. საზოგადოებრივი ორგანიზაციების მენეჯმენტი, მოწვ. პროფ. თინათინ კუპრაშვილი

EDUPART-ის ფარგლებში, მონაწილეები ასევე ეწვივნენ თბილისს, ოთხდღიანი ინტენსიური სესიებისთვის თემაზე: „საქართველოს საჯარო ადმინისტრირება და მმართველობა: რეფორმები და შედეგები“. ღონისძიებას მასპინძლობდა კავკასიის უნივერსიტეტის პროექტების მართვის დეპარტამენტი და სახელმწიფო მართვის სკოლა.

პროექტის მონაწილეებს მიესალმა ვიცე-პრეზიდენტი ინტერნაციონალიზაციის საკითხებში, ქ-ნი ირენა მელუა, კავკასიის სახელმწიფო მართვის  სკოლის დეკანი და NISPACee-ის პრეზიდენტი, ქ-ნი ეკა აკობია და დისტანციური სწავლების კურსის ინსტრუქტორები. კავკასიის მმართველობის სკოლამ პროექტის მონაწილეებს გადასცა ონლაინ ტრენინგ-კურსების დასრულების დამადასტურებელი სერტიფიკატები.

ადგილობრივი სესიების ფარგლებში EDUPART-ის მონაწილეებმა მოისმინეს შემდეგი თემები საქართველოს PA-ს რეფორმების შესახებ წამყვანი ადგილობრივი ექსპერტებისა და პრაქტიკოსებისგან:

• რეგულირების ზემოქმედების შეფასება (RIA) ეფექტური საჯარო ადმინისტრირებისთვის: საქართველოს გამოცდილება
• საჯარო ფინანსებისა და სახელმწიფო ბიუჯეტის მართვა: გამჭვირვალობა და ეფექტურობა
• ელექტრონული მმართველობა: მოქალაქეებისთვის ციფრული სერვისების მიწოდება
• საჯარო მმართველობის რეფორმა (PAR) საქართველოში
• პოლიტიკის დაგეგმვა საქართველოს საჯარო სექტორში
• პოლიტიკის განხორციელების მონიტორინგი და შეფასება საქართველოში
• სიმულაციური სავარჯიშო მმართველობაში

მონაწილეებმა ასევე ისაუბრეს ადგილობრივ სსო-ებთან შემდეგ თემებზე:

• IDFI-ის საქმიანობა: სახელმწიფო მმართველობის გაუმჯობესება საქართველოში
• საარჩევნო პროცესები საქართველოში: საუკეთესო პრაქტიკა და გამოწვევები არჩევნებისა და არჩევნების მონიტორინგის დროს
• სსო-ების ჩართულობა ადამიანის უფლებათა პოლიტიკისა და პრაქტიკის ჩამოყალიბებაში
• საქართველოს ევროპული გზა: მთავარი გამოწვევები

სესიები უზრუნველყოფდა უნარ-ჩვევების განვითარებას და ცოდნას საჯარო პოლიტიკისა და საჯარო ადმინისტრირების სფეროში და იყო, პროექტის მონაწილეთა შეფასებით, უაღრესად ინტერაქციული და საინტერესო.