28-29 აპრილს, სომხეთში, ადგილობრივი "GTUG"-ის ფარგლებში, ორდღიანი ღონისძიება გაიმართა, რომელზეც მიწვეულები იყვნენ კავკასიის უნივერსიტეტის კავკასიის ტექნოლოგიების სკოლის სტუდენტები – დემურ ნოდია და გიორგი ტყეშელაშვილი.

ადგილობრივმა დეველოპერებმა ორ დღეში შექმნილი "Android"-ისა და "Google Chrome"-ის აპლიკაციები წარადგინეს. გამარჯვებულები სხვადასხვა სახის პრიზებით (HTC Sensation, Samsung Galaxy Tab, mp3 player და USB Flash Drive) დაჯილდოვდნენ.

ტექნოლოგიების სკოლის სტუდენტებმა პრეზენტაციები გააკეთეს. მათ "Tbilisi GTUG"-ის გამოცდილებასა და სამომავლო გეგმებზე ისაუბრეს.
ბათუმში უახლოეს მომავალში მსგავსი სახის ღონისძიება გაიმართება, რომელშიც ყველას შეუძლია მიიღოს მონაწილეობა და გახდეს გამარჯვებული.