27 მაისს, კავკასიის უნივერსიტეტს, ცნობილი ქართველი მხატვარი და თეატრალური დეკორატორი გიორგი (გოგი) ალექსი-მესხიშვილი ესტუმრა, რომელსაც კავკასიის უნივერსიტეტის პრეზიდენტმა - კახა შენგელიამ - უმასპინძლა.
ვიზიტის ფარგლებში, მხატვარი კავკასიის უნივერსიტეტის სტუდენტებს შეხვდა. დამსწრე აუდიტორიას საშუალება ჰქონდა, გასცნობოდა გიორგი (გოგი) ალექსი-მესხიშვილის შემოქმედების დეტალებს, ღონისძიება ინტერაქციულ რეჟიმში, კითხვა-პასუხის ფორმატში წარიმართა.
უნდა აღნიშნოს, CU-ის კამპუსში კახა შენგელიამ და მხატვარმა, არასამთავრობო ორგანიზაცია „საქართველოს ამერიკელი მეგობრების“ საქველმოქმედო გალა საღამოზე შეძენილი, გიორგი (გოგი) ალექსი-მესხიშვილის ნახატი ერთად დაკიდეს.
