პროგრამის პირველ ნაწილზე მიღების წინაპირობაა:

• არანაკლებ ბაკალავრის ან მასთან გათანაბრებული აკადემიური ხარისხი;
• საერთო სამაგისტრო გამოცდის წარმატებით ჩაბარება;
• არანაკლებ 2 წლიანი სამუშაო გამოცდილება;
• კავკასიის უნივერსიტეტის/კავკასიის ბიზნესის სკოლის სამაგისტრო მისაღები გამოცდის წარმატებით გავლა, რომელიც მოიცავს ინგლისური ენის გააზრებისა და წერის კომპონენტებს B2 დონის შესაბამისად, ასევე ზოგადი ლოგიკური და რაოდენობრივი მსჯელობის კითხვებს;

• აპლიკანტი შესაძლოა გათავისუფლდეს ინგლისური ენის კომპონენტის ჩაბარებისგან თუ არსებობს ინგლისური ენის ცოდნის დამადასტურებელი საერთაშორისო სერთიფიკატი (TOEFL- 78; IELTS-6.0)

• კავკასიის ბიზნესის სკოლის სამაგისტრო მიმღებ კომისიასთან გასაუბრების წარმატებით გავლა.

წარმოსადგენი დოკუმენტაცია:

• 2 სარეკომენდაციო წერილი
• CV/რეზიუმე
• სამოტივაციო წერილი
• ბაკალავრის ან მასთან გათანაბრებული ხარისხის დიპლომის ნოტარიული ასლი ან ცნობა ხარისხის მინიჭების შესახებ თარიღისა და ბრძანების ნომრის მითითებით
• სამხედრო მიწერილობის ასლი (ვაჟებისათვის)
• პირადობის ასლი
• NAEC-ის ბარათი
• 2 ფოტოსურათი + CD
• შევსებული ფორმა 1 (პირადი მონაცემების შესახებ)
• ონლაინ რეგისტრაციის ფორმა

თარიღები:

• საბუთების მიღება: 2 სექტემბერის ჩათვლით, 19:00, ოთახი A2;
• CSB-ის მისაღები და საგრანტო ტესტირება: 4-5 სექტემბერი, 2026;
• CSB-ის მიმღებ კომისიასთან აპლიკანტის გასაუბრება: 7-8 სექტემბერი, 2026.

სწავლის საფასური და დაფინანსება: 

CU გრანტი - 50%-იანი დაფინანსება

მაგისტრატურაზე სწავლის დაფინანსება შეგიძლიათ CU გრანტით, რომელიც სწავლის საფასურის 50%-ს ფარავს.

CU გრანტის მოპოვების ორი შესაძლებლობა არსებობს:

• თუ ხართ/იქნებით ნებისმიერი უნივერსიტეტის საბაკალავრო პროგრამის კურსდამთავრებული და გაქვთ ბაკალავრიატის ჯამური ქულათა საშუალო შეწონილი (GPA) 3,5 და მეტი;
• თუ საერთო სამაგისტრო გამოცდაზე დააგროვებთ შეჯამებული მაქსიმალური ქულის 65% და მეტს.

თუ ორი პირობიდან რომელიმეს აკმაყოფილებთ, შესაძლებლობა გექნებათ ჩაერთოთ საგრანტო კონკურსში და მოიპოვოთ 50%-იანი დაფინანსება.

CU გრანტის შენარჩუნების პირობები

1+1 მოდელის სამაგისტრო პროგრამები

• CU გრანტის შესანარჩუნებლად სტუდენტმა პროგრამის პირველი ნაწილი (ნაწილი 1) უნდა დაასრულოს ერთ აკადემიურ წელში.
• პროგრამის მეორე ნაწილზე (ნაწილი 2) სწავლის გაგრძელების შემთხვევაში, გრანტი შენარჩუნდება, თუ სტუდენტი სწავლას გააგრძელებს უწყვეტ რეჟიმში და პირველი ნაწილის (ნაწილი 1) GPA იქნება 3.8 ან მეტი. 
• სტუდენტებს, რომლებიც პროგრამის პირველ ნაწილზე (ნაწილი 1) CU გრანტით არ სარგებლობდნენ, პროგრამის მეორე ნაწილზე (ნაწილი 2) 50%-იანი CU გრანტის მიღების შესაძლებლობა ექნებათ, თუ ნაწილი 1-ს ერთ აკადემიურ წელში დაასრულებენ და მათი GPA იქნება 3.8 ან მეტი.