მენიუ

მენეჯმენტის ინგლისურენოვანი სადოქტორო პროგრამა

პროგრამის დასახელება: მენეჯმენტის სადოქტორო პროგრამა

ხანგრძლივობა: 3 წელი                                                                

სწავლების ენა: ინგლისური

მოცულობა: 60 ECTS კრედიტი და კვლევითი კომპონენტი 

 

კავკასიის უნივერსიტეტს გააჩნია სადოქტორო პროგრამების განხორციელების მრავალწლიანი გამოცდილება. უნივერსიტეტი 10 წელზე მეტია ახორციელებს ბიზნესის ადმინისტრირების სადოქტორო პროგრამას უცხოელ პარტნიორებთან ერთად. თანამედროვე სტანდარტებისა და მოთხოვნების შესაბამისად შეიქმნა მენეჯმენტის ინგლისურენოვანი სადოქტორო პროგრამა.

 

დღევანდელი გლობალური გარემოს მზარდი ზემოქმედების პირობებში, ნებისმიერი ტიპის ორგანიზაციისათვის სასიცოცხლო ამოცანას წარმოადგენს ორგანიზაციული პროცესების მაღალკვალიფიციურად წარმართვა თანამედროვე ორგანიზაციული მენეჯმენტის შესაძლებლობების სრულფასოვნად გამოყენებით, რაც, თავის მხრივ, საჭიროებს ამ შესაძლებლობების გამოვლენა-შექმნას, მათ შორის, ახალი კონცეპტუალური ხედვებისა თუ ინსტრუმენტების შემუშავების გზით. მენეჯმენტის სადოქტორო საგანმანათლებლო პროგრამის აქტუალობას განაპირობებს თანამედროვე კომპანიების მხრიდან მზარდი მოთხოვნა ისეთ სპეციალისტებზე, რომლებსაც, უახლეს თეორიულ ცოდნასთან ერთად, აქვთ გლობალურ ორგანიზაციულ მენეჯმენტში მიმდინარე მოვლენებისა და პროცესების ანალიზის უნარი, შეუძლიათ გამოწვევების დროულად და სწორად იდენტიფიცირება, პრობლემების კვლევა და  მისი გადაწყვეტის ორიგინალური გზების მოძიება; ამასთან, გაცნობიერებული აქვთ მკვლევარის ეთიკური პასუხისმგებლობა და ინოვაციური/ორიგინალური სამეცნიერო კვლევების ეთიკური თუ სოციალური შედეგები.

 

მენეჯმენტის სადოქტორო საგანმანათლებლო პროგრამაში გამჭოლადაა ასახული კავკასიის უნივერსიტეტის მისია, ხედვა და ღირებულებები, აგრეთვე ბიზნესის სკოლის ძირითადი მიზნები და ამოცანები. პროგრამაში გათვალისწინებულია ასევე  ადგილობრივი შრომის ბაზრის მოთხოვნები, ადგილობრივი თუ უცხოური უნივერსიტეტების მიერ განხორციელებული მენეჯმენტის სადოქტორო პროგრამების წარმატებული გამოცდილება, ასევე, თანამედროვე ორგანიზაციული მენეჯმენტის - როგორც კვლევის სფეროს -განვითარების ტენდენციები.

 

მენეჯმენტის სადოქტორო პროგრამის მიზანია:

 

  • კვალიფიციური მკვლევარის მომზადება აკადემიური და ბიზნეს კარიერისათვის, რომელიც შეძლებს;
  • გამოიყენოს თანამედროვე ორგანიზაციული თეორიების ცოდნა და კვლევის მეთოდოლოგია ორგანიზაციული მენეჯმენტის, ორგანიზაციული ქცევის და/ან ორგანიზაციული ლიდერობის პრობლემების კვლევისა და გადაწყვეტისათვის; დამოუკიდებლად დაგეგმოს და ჩაატაროს ორიგინალური კვლევა რელევანტური მეთოდების გამოყენებითა და სარწმუნო მონაცემებზე დაყრდნობით;
  • კვლევის შედეგების კრიტიკული ანალიზისა და შეფასების საფუძველზე ჩამოაყალიბოს ორიგინალური დასკვნები და შეიმუშავოს თეორიულ-პრაქტიკული მნიშვნელობის რეკომენდაციები საკვლევი პრობლემის გადაწყვეტის ახალი შესაძლებლობების თაობაზე.
  • ახალი ცოდნის შექმნასთან ერთად სადოქტორო პროგრამის მიზანია, დოქტორანტი დაეუფლოს სწავლების საუკეთესო  მეთოდებსა და ცოდნის გადაცემის უნარ-ჩვევებს.

 

პროგრამის მიზანია კურსდამთავრებულს გააჩნდეს აკადემიური ეთიკის ნორმები და საერთაშორისო დონეზე მოახდინოს საკუთარი თავის ინტეგრირება აკადემიური საზოგადოების სხვადასხვა ასპარეზზე.

 

მისანიჭებელი კვალიფიკაცია: მენეჯმენტის დოქტორი.

 

პროგრამის ბროშურა

სასწავლო წელი აგებულია სემესტრული პრინციპით. ყველა სასწავლო კომპონენტი არის ერთსემესტრიანი. სემესტრი არის დროის პერიოდი, რომელიც მოიცავს სასწავლო კვირათა ერთობლიობას. სასწავლო კვირა მოიცავს როგორც საკონტაქტო, ასევე დამოუკიდებელ საათებს. სემესტრი შეიძლება მოიცავდეს 2 ან 16 კალენდარულ კვირიან პერიოდს. სემესტრში სასწავლო კვირათა რაოდენობა დგინდება ყველა მიღებისთვის ინდივიდუალურად. 

 

პროგრამის ოფიციალური ხანგრძლივობაა 3 წელი (6 სემესტრი). მაქსიმალური ხანგრძლივობაა 5 წელი (10 სემესტრი). მენეჯმენტის სადოქტორო პროგრამა შედგება სასწავლო (60 ECTS კრედიტი) და კვლევითი კომპონენტებისგან. კვლევითი კომპონენტი მოიცავს არანაკლებ 2 წელს (4 აკადემიური სემესტრს).

 

 

I წელი II წელი III წელი
42 ECTS 18 ECTS 4 აკადემიური სემესტრი
სემინარები და მეთოდოლოგიური საგნები სწავლება-ასისტირების კომპონენტი დისერტაცია

 

 

 

სასწავლო კომპონენტის 60 ECTS-დან:

 

  • 34 ECTS კრედიტი მოდის სავალდებულო სემინარებსა და მეთოდოლოგიური კურსებზე;
  • 6 ECTS კრედიტი - არჩევით სემინარზე (სტუდენტებს შეუძლიათ აირჩიონ ერთ-ერთი არჩევითი სემინარი);
  • 20 ECTS კრედიტი - სავალდებულო სწავლება ან/და კვლევის ასისტირების მოდულზე.

 

კვლევის კომპონენტი მოიცავს დისერტაციას. დისერტაციის დაცვამდე დოქტორანტი ვალდებულია:

 

  • მონაწილეობა მიიღოს სამეცნიერო კონფერენციაში სადისერტაციო თემატიკის მიმართულებით;
  • დოქტორანტი ვალდებულია არანაკლებ ორი სამეცნიერო სტატია გამოაქვეყნოს (ან გამოქვეყნების შესახებ თანხმობა ქონდეს). მათ შორის ერთი სტატია გამოქვეყნებული უნდა იყოს სფეროს სპეციფიკის შესაბამის უცხოურ საერთაშორისო ინდექსის მქონე რეფერირებად (peer-reviewed) ჟურნალში. გამოქვეყნებული სტატიები თემატურად დაკავშირებული უნდა იყოს დისერტაციის თემასთან.
  • კვლევის კომპონენტზე რეგისტრაციის შემდეგ დოქტორანტი ვალდებულია ყოველი სემესტრის ბოლოს წარმოადგინოს ანგარიში შესრულებული სამუშაოს შესახებ წინასწარ განსაზღვრული ფორმების მიხედვით.

 

 

 

 

  

 

დეტალური ინფორმაცია შეგიძლიათ იხილოთ მენეჯმენტის ინგლისურენოვანი სადოქტორო პროგრამის კურიკულუმში.

 

იხილეთ  პროგრამა.

 

 

სადოქტორო პროგრამაზე მიღების პროცედურები:

 

  1. მიღებისათვის საჭირო დოკუმენტების წარმოდგენა                                                                      
  2. ინგლისური ენის გამოცდის B2 დონეზე ჩაბარება (ინფორმაცია გამოცდის შესახებ)                                                                     
  3. მათემატიკის მისაღები ტესტის ჩაბარება (ინფორმაცია ტესტის შესახებ) (ტესტის ნიმუში)                                                  
  4. მიმღებ კომისიასთან გასაუბრება

 

სადოქტორო პროგრამებზე მიღებისათვის საჭირო დოკუმენტების ჩამონათვალი:

 

  • სააპლიკაციო ფორმა
  • მაგისტრის ან მასთან გათანაბრებული აკადემიური ხარისხის დამადასტურებელი
  • დიპლომის ნოტარიულად დამოწმებული ასლი. აპლიკანტს დასრულებული უნდა ჰქონდეს აკრედიტებული უმაღლესი საგანმანათლებლო პროგრამა.
  • დიპლომის დანართის/ნიშნების ფურცლის ნოტარიულად დამოწმებული ასლი;
  • მინიმუმ B2 დონის ინგლისური ენის ცოდნის დამადასტურებელი სერტიფიკატი ან
  • ინგლისურენოვანი საბაკალავრო ან სამაგისტრო პროგრამის დასრულების დამადასტურებელი დიპლომის ნოტარიულად დამოწმებული ასლი (ასეთის არსებობის შემთხვევაში), სხვა შემთხვევაში კონკურსანტი ვალდებულია ჩააბაროს ბიზნესის სკოლის B2 დონის მისაღები გამოცდა ინგლისურ ენაში;
  • კანდიდატის კვლევით ინტერესებთან თანმხვედრი კვლევითი თეზისი ინგლისურ ენაზე;
  • შესაბამის სფეროში წინარე პუბლიკაციები ან/და სამეცნიერო-კვლევით პროექტებსა და ღონისძიებებში მონაწილეობა ან/და შესაბამის სფეროში მუშაობის არანაკლებ 2 წლიანი გამოცდილება;
  • ორი სარეკომენდაციო წერილი ინგლისურ ენაზე ;
  • რეზიუმე (CV) ქართულ და ინგლისურ ენაზე.
  • კონკურსანტი ვალდებულია ჩააბაროს ბიზნესის სკოლის მისაღები გამოცდა მათემატიკაში.
  • კავკასიის ბიზნესის სკოლის მიმღებ კომისიასთან გასაუბრების წარმატებით გავლა. 
  • ონლაინ რეგისტრაცია

 


* მიღების ვადები და პირობები მტკიცდება მიმღები კომისიის მიერ და ქვეყნდება უნივერსიტეტის ვებ-გვერდზე.

 

მნიშვნელოვანი თარიღები:

 

  • სადოქტორო პროგრამაზე საბუთების წარმოდგენის ბოლო ვადაა: 5 სექტემბერი 2025 წელი;
  • საბუთები შეგიძლიათ წარმოადგინოთ ელექტრონულად ელ. ფოსტის მისამართზე: mjinchveleishvili@cu.edu.ge
  • ან ნაბეჭდი სახით შემდეგ მისამართზე: კავკასიის უნივერსიტეტი, პაატა სააკაძის 1;
  • ინგლისური ენის გამოცდა: 13 სექტემბერი 2025 წელი;
  • მათემატიკის გამოცდა: 13 სექტემბერი 2025 წელი;
  • მიმღებ კომისიასთან გასაუბრება: 15 სექტემბერი 2025 წელი.

 

სწავლის საფასური და დაფინანსება:

 

  • სამწლიანი სადოქტორო პროგრამის ღირებულება შეადგენს 9,000 ლარს.(უცხოეთის მოქალაქეებისთვის სწავლების საფასურის შესახებ ინფორმაცია შეგიძლიათ იხილოთ აქ)
  • სტუდენტები თანხას იხდიან ორ ნაწილად. პირველ წელს - 4,500 ლარს და შესაბამისად მეორე წელს ასევე - 4,500 ლარს.
  • პირველი წლის დასრულების შემდეგ წარჩინებულ დოქტორანტებს ეძლევათ შესაძლებლობა მოიპოვონ კავკასიის ბიზნესის სკოლის გრანტი 4,500 ლარის ოდენობით, შესაბამისად ამ გრანტით სრულად დაუფინანსდებათ დარჩენილი სწავლის გადასახადი.

ელენე ჯღარკავა

დეკანი

ტელ: (+995 32) 237 77 77 (330)

ელ.ფოსტა: ejgarkava@cu.edu.ge

 

მარიამ ჯინჭველეიშვილი

პროგრამის ადმინისტრაციული დირექტორი

ტელ: (+995 32) 237 77 77 (275)
მობ: 555 979 434
ელ.ფოსტა: mjinchveleishvili@cu.edu.ge