კავკასიის ჰუმანიტარულ და სოციალურ მეცნიერებათა სკოლაში საბაკალავრო და სამაგისტრო ნაშრომების საჯარო დაცვები გაიმართა.
საბაკალავრო საფეხურზე წარმოდგენილი იყო ევროპისმცოდნეობის, ისტორიის, ფსიქოლოგიის, სოციოლოგიის და ქართული ფილოლოგიის, ხოლო სამაგისტრო საფეხურზე - კლინიკური ფსიქოლოგიის სამაგისტრო პროგრამის დამამთავრებელი ეტაპის სტუდენტების კვლევითი ნაშრომები.
ნაშრომები შეეხებოდა როგორც დარგისთვის დამახასიათებელ აქტუალურ სამეცნიერო საკითხებს, ისე ქართული საზოგადოების წინაშე მდგარ სხვადასხვა გამოწვევებს. დაცვები სტუდენტების აქტიური ჩართულობის და საინტერესო დისკუსიების ფონზე წარიმართა.
